અમિત શાહ (Amit Shah) એ સોમવારે કહ્યું કે, સરકાર રાજ્યો માટે એક ડ્રાફ્ટ અથવા મોડલ જેલ એક્ટ લાવવા જઈ રહી છે જે અંતિમ તબક્કામાં છે.
સરકાર રાજ્યો માટે એક ડ્રાફ્ટ અથવા મોડેલ જેલ એક્ટ લાવવા જઈ રહી છે
આ કાયદાની અંદર જેલ અને કેદીઓને લગતી જોગવાઇઓ હશે
જેલમાં વીડિયો કોન્ફરન્સની વ્યવસ્થાને પણ મજબૂત કરવામાં આવશે
કેન્દ્રીય ગૃહ પ્રધાન અમિત શાહે સોમવારે કહ્યું કે, આ કાયદાની અંદર કેદીઓનો પુનર્વાસ, જેલ અધિકારીઓની સખ્તાઇ અને આચરણનું નિયમન, જેલોની સુરક્ષા, અલગ જેલ અને મહિલાઓ માટે ખુલ્લી જેલ વગેરેની જોગવાઈઓ રહેશે.
અમે જેલો માટે એક મોડેલ એક્ટ લાવવા જઈ રહ્યાં છીએ : શાહ
લોકસભામાં ક્રિમિનલ પ્રોસિજર (ઓળખ) બિલ, 2022 પરની ચર્ચાના જવાબમાં અમિત શાહે કહ્યું, "અમે જેલો માટે એક મોડેલ એક્ટ લાવવા જઈ રહ્યાં છીએ. તે રાજ્યોને મોકલવામાં આવશે.” તેમણે કહ્યું કે રાજ્યો તેને પોતાની રીતે લાગુ કરી શકે છે. તેઓએ કહ્યું કે, તેમાં કેદીઓના પુનર્વાસ માટે, તેઓને જેલમાંથી મુક્ત થયા બાદ સમાજમાં પુનઃ એકીકૃત કરવા ઉપરાંત જેલ અધિકારીઓની સખ્તાઇ અને તેમના વર્તનનું નિયમન વગેરેની જોગવાઈઓ હશે.
શાહે કહ્યું કે, જેલોની સર્વોચ્ચ સુરક્ષા, ખુલ્લી જેલ, મહિલાઓ માટે જેલ, ટ્રાન્સજેન્ડર કેદીઓ માટે અલગ વ્યવસ્થા, બાળકો સાથે મહિલા કેદીઓ માટે અલગ બેરેક સ્થાપવાની જોગવાઈ વગેરે પર પણ વિચારણા કરવામાં આવી રહી છે. આની અંદર કેદીઓને મનોચિકિત્સકની સેવાઓ, કાઉન્સેલિંગ, થેરાપી અને તાલીમ આપવી તેમજ કેદીઓનું મનોવૈજ્ઞાનિક મૂલ્યાંકન કરીને તેમને ગુનાખોરીની આદતમાંથી મુક્તિ અપાવવા કાયદાકીય સહાય પૂરી પાડવાની જોગવાઈ છે.
સરકાર પેરોલ, ફરલો અને સમય પહેલાં છૂટવાના કેસમાં પણ રાહત આપવા જઈ રહી છે
શાહે કહ્યું કે, સરકાર પેરોલ, ફર્લો અને સમય પહેલાં છૂટવાના કેસમાં પણ રાહત આપવા જઈ રહી છે. આ સાથે જેલમાં વીડિયો કોન્ફરન્સની વ્યવસ્થાને પણ મજબૂત કરવામાં આવશે. અગાઉ, બિલની ચર્ચા અને પસાર કરવા માટે શાહે કહ્યું હતું કે, કેન્દ્ર સરકાર એક નવું 'મોડલ જેલ મેન્યુઅલ' તૈયાર કરી રહી છે જેમાં કેદીઓના પુનર્વાસ, મહિલા કેદીઓ માટે અલગ જેલ અને ખુલ્લી જેલ સહિતના અનેક મુદ્દાઓ આવરી લેવામાં આવશે.
શાહે એમ પણ કહ્યું કે, ક્રિમિનલ પ્રોસિજર (ઓળખ) બિલ, 2022 કે જેણે સંસ્થાનવાદી બ્રિટિશ સમયગાળા દરમિયાન કેદીઓની ઓળખ અંગેના 1920 કાયદાનું સ્થાન લીધું હતું, તેને અલગથી જોવાને બદલે ભાવિ મોડેલ જેલ મેન્યુઅલ સાથે જોવું પડશે.