Photos / મિશન બંગાળ પર આવેલા અમિત શાહે આદિવાસીઓના ઘરે જમીન પર બેસી કર્યું ભોજન, જુઓ તસવીરો

• આદિવાસીઓના ઘરે જમીન પર બેસીને જમ્યા અમિત શાહ 
• કેળાના પાંદડા પર ભોજન લીધા બાદ અમિત શાહની તસવીરો વાયરલ 
• આદિવાસી મહિલાઓએ કહ્યું તેમના માટે આ સૌભાગ્યની વાત 

કેન્દ્રીય ગૃહમંત્રી અમિત શાહે બાંકુડા જિલ્લાનાં ચાતુંર્ડીહ ગામમાં કેળાના પાંદડા પર આદિવાસીઓના ઘરે ભોજન કર્યું. તેમની સાથે ભાજપના નેતા કૈલાશ વિજયવર્ગીય, ભાજપના પ્રદેશ અધ્યક્ષ દિલીપ ઘોષ અને મુકુલ રોય પણ સામેલ હતા.  

અમિત શાહે આ ઘરમાં જમીન પર બેસીને પાંદડા પર ભોજન કર્યું. આદિવાસી રીત અનુસાર જ અમિત શાહને ભોજન કરાવવામાં આવ્યું અને તેમના માટે ઘણી બધી મહિલાઓએ વ્યવસ્થા કરી હતી. અમિત શાહને આ મહિલાઓ પોતાના હાથથી ભોજન પીરસતી દેખાઈ. 

મહિલાઓએ તેમને મીઠાઈ આપવાનો પણ પ્રયત્ન કર્યો પરંતુ તેમણે ના પાડી દીધી, ભોજન બાદ તેમણે આદિવાસી પરિવારો સાથે મુલાકાત કરી અને ત્યાં જ ખાટલા પર બેસી ગયા.  

નોંધનીય છે કે મિશન બંગાળ પર અમિત શાહ બે દિવસીય પ્રવાસ ઓર છે અને તેમણે બાંકુડામાં બિરસા મુંડાની મૂર્તિનું અનાવરણ પણ કર્યું હતું, તે બાદ ભાજપ કાર્યકર્તાઓ સાથે બેઠક કરવામાં આવી.  

અમિત શાહની ઉપસ્થિતિથી ખુશ થયેલ આદિવાસી મહિલાઓએ કહ્યું કે તેમના માટે આ સૌભાગ્યની વાત છે કે તેમના ઘરે તેઓ આવ્યા અને સાથે જ ભોજન કર્યું.