રણનીતિ / આગામી 5 રાજ્યોની વિધાનસભા ચૂંટણી પહેલા અમિત શાહ એક્ટિવ, ભાજપ વૉર રૂમમાં 'મહામંથન'

• આગામી વિધાનસભા ચૂંટણીઓને લઇને ભાજપની વૉર રૂમ મીટિંગ
• અમિત શાહે કર્યું ગહન મંથન
• ચૂંટણી તૈયારીઓ અને મેનેજમેન્ટ પર ચર્ચા કરી

બુધવારે કેન્દ્રીય ગૃહમંત્રી અમિત શાહે ભાજપના વોર રૂમ કેટલાક લોકો સાથે ચૂંટણી તૈયારીઓ અને મેનેજમેન્ટ પર ચર્ચા કરી. જણાવવામાં આવી રહ્યું છે કે, આ બેઠકમાં કેન્દ્રીય સંગઠન મહામંત્રી બીએલ સંતોષ, કેન્દ્રીય વાણિજ્ય મંત્રી પીયૂષ ગોયલ, ભાજપ મહાસચિવ અરૂણ સિંહ સહિત કેટલાક અન્ય નેતા હાજર હતા. સૂત્રોના અનુસાર, અંદાજિત દોઢ કલાક સુથી ચાલેલી બેઠકમાં મેનેજમેન્ટનો મુખ્ય મુદ્દો હતો.

જોકે પંજાબને છોડીને બાકીના 4 રાજ્ય ઉત્તરપ્રદેશ, ઉત્તરાખંડ, મણિપુર અને ગોવા ભાજપ માટે મહત્વના છે. ઉત્તરપ્રદેશનું મહત્વ જોતા હાલમાં પ્રધાનમંત્રી નરેન્દ્ર મોદી અને શાહ કેટલાક પ્રવાસ કરી ચૂક્યા છે. ઉત્તરાખંડમાં પણ થોડા દિવસ પહેલા પીએમ મોદીએ એક પ્રકારનું ચૂંટણી અભિયાન શરૂ કરી દીધું. શાહ આગામી કેટલાક દિવસોમાં ગોવા જવાના છે. જ્યારે મણિપુરમાં 2 દિવસ પહેલા ભાજપ અધ્યક્ષ જેપી નડ્ડાનું સંમેલન થઇ ચૂક્યું છે. ઉત્તરપ્રદેશમાં લખીમપુર ખીરીને લઇને વિપક્ષ હાવી થવાનો પ્રયાસ કરી રહ્યું છે. તેવામાં બુધવારે વૉર રૂમમાં શાહની બેઠકને મેનેજમેન્ટથી જોડવામાં આવી રહી છે.