એમ્સથી ડિસ્ચાર્જ થયા અમિત શાહ હજુ પણ 2 સપ્તાહ કરવો પડશે બેડ રેસ્ટ

ભાજપના રાષ્ટ્રીય અધ્યક્ષ અમિત શાહ દિલ્હીની એમ્સથી ડિસ્ચાર્જ થઇ ગયા છે. એમ્સના ડોક્ટરોએ 15 દિવસ સુધી અમિત શાહને આઅસોલેશનમાં રાખવાની સલાહ આપી હતી. 

નોંધનીય છે કે શાહને એચ1એન1 વાયરસના મિશિગન સ્ટ્રેન પીડિત મળ્યા હતા. આ સ્ટ્રેન વર્ષ 2016માં ભારતમાં પહેલી વખત સામે આવ્યો હતો. ત્યારથી લઇને અત્યારસુધી હજારો લોકોને પોતાની ચપેટમા લઇ ચુક્યો છે. ડોક્ટરોએ કહ્યું હતું કે એમને ડિસ્ચાર્જ કર્યા બાદ પણ આશરે બે સપ્તાહ સુધી બેડ રેસ્ટ લેવો પડશે. 

હાલ ભાજપના ઘણા નેતા અસ્વસ્થ છે. નાણા મંત્રી જેટલી સારવાર માટે અમેરિકા ગયા છે. તર્ક લગાવવામાં આવી રહ્યા છે કે તેઓ ફેબ્રુઆરીના અંતિમ બજેટમાં હાજરી આપશે નહીં. જેટલીના ના હોવાથી પ્રચાર સમિતિની પહેલી બે બેઠકોમાં ચૂંટણી થીમ અને મુખ્ય એજન્ડા નક્કી થઇ શક્યો નહતો. કેન્દ્રીય મંત્રી પ્રસાદને પણ એક સપ્તાહ બેડ રેસ્ટ કરવો પડ્યો તો બીજી બાજુ શુગર લેવલ વધી જવાના કારણે મુંબઇમાં સ્ટેજ પર બેહોશ થઇ ગયેલા ગડકરી પણ સ્વસ્થ નથી.