હાજીર હો / રાહુલ ગાંધી આજે અમદાવાદ કોર્ટનું સમન્સ બજાવવા હાજર થશે, કોંગ્રેસ નેતાઓ સાથે સાધશે સંવાદ

• નોટબંધી સમયે અમિત શાહ સામે કરી હતી ટિપ્પણી
• 745 કરોડ બદલાયાનો આક્ષેપ કર્યો હતો
• જબલપુરમાં જાહેરસભામાં વિવાદિત નિવેદન આપ્યું હતું

રાહુલગાંધી આજે અમદાવાદમાં અદાલતમાં હાજર તો થશે પણ સાથે સાથે અમદાવાદ કોંગ્રેસીઓ સાથે મુલાકાત પણ કરી લેશે. બરોબર પેટાચુટંણી ટાણે જ રાહુલની ગુજરાત મુલાકાત કોંગ્રેસ માટે ફળદાયી નીવડશે કે કેમ તે તો આવનારો સમય જ કહી શકે છે. 

કોણે નોંધાવી છે ફરિયાદ
અમિત શાહ સામે વિવાદિત ટિપ્પણીના મામલો અદાલતમાં માનહાનીનો કેસ નોંધવામાં આવ્યો છે. ભાજપના કોર્પોરેટર કૃષ્ણવદન બ્રહ્મભટ્ટે ફરિયાદ નોંધાવી છે રાહુલ ગાંધીએ જબલપુરમાં જાહેરસભામાં વિવાદિત નિવેદન આપ્યું હતું. 

નોટબંધી સમયે કરી હતી ટિપ્પણી
રાહુલ સામે બીજી ફરિયાદ ADC બેંક સામેના નિવેદનની છે. નોટબંધી સમયે રાહુલ ગાંધીએ ટિપ્પણી કરી હતી. જેમાં અમિત શાહ અને ADC બેંક વિરુદ્ધ આક્ષેપો કર્યા હતા. ખોટી રીતે 745 કરોડ બદલાયાનો આક્ષેપ કર્યો હતો. 

સામે પેટા ચુંટણી આવી રહી છે ત્યારે અમદાવાદમાં કોંગ્રેસ રાહુલ ગાંધીનું સ્વાગત કરશે. રાહુલ ગાંધીનું અલગ અલગ 6 સ્થળે સ્વાગત કરવામાં આવશે

ક્યાં ક્યાં થશે સ્વાગત?   
બપોરે 12 કલાકે રાહુલ ગાંધી અમદાવાદ પહોંચશે. જ્યાં અમદાવાદ એરપોર્ટ પર રાહુલ ગાંધીનું સ્વાગત થશે. એરપોર્ટ સર્કલ પર NSUIના કાર્યકર્તાઓ સ્વાગત કરશે. ડફનાળા નજીક યુથ કોંગ્રેસના કાર્યકર્તાઓ સ્વાગત કરશે. ખાનપુર પાસે મુસ્લિમ અગ્રણીઓ સ્વાગત કરશે. રૂપાલી સિનેમા નજીક મહિલા કોંગ્રેસ સ્વાગત કરશે. લકી હોટલ અને ઝેવિયર્સ શાળા પાસે  પણ સ્વાગત કરાશે. 

દોઢ વાગે ધારસભ્યો સાથે કરશે મીટીંગ
અમદાવાદ કોર્ટ પરિસર નજીક પણ રાહુલનું સ્વાગત કરવામાં આવશે. ત્યાર બાદ બપોરે દોઢ વાગે ધારાસભ્યો સાથે રાહુલ ગાંધી બેઠક કરશે. સર્કિટ હાઉસમાં અમદાવાદ કોંગ્રેસને અગ્રણી નેતાઓ, ધારાસભ્યો અને કાર્યકરો સાથે રાહુલ ગાંધી સંવાદ સાધશે.