અમદાવાદ: ભાજપ અધ્યક્ષ અમિત શાહ અમદાવાદની મુલાકાતે આવી શકે છે. અમિત શાહ દિવાળીના પર્વની ઉજવણી અમદાવાદમાં પરિવારજનો સાથે કરે તેવી શક્યતા છે. અમદાવાદમાં મુલાકાત દરમિયાન અમિત શાહ પ્રદેશના નેતાઓ સાથે ચર્ચા કરી શકે છે. આ સાથે જ જસદણ વિધાનસભાને લઈને અમિત શાહની બેઠક પણ યોજાઈ શકે છે.
આપને જણાવી દઇએ કે લોકસભાની ચૂંટણી નજીકના ભવિષ્યમાં આવી રહી છે તેના અનુસંધાને ભારતીય જનતા પાર્ટના વડા અમિત શાહ ગુજરાતના દિગ્ગજ નેતા સાથે વાતચીત પણ કરી શકે છે.
એક તરફ દિવાળી તથા નવું વર્ષ શરૂ થઇ રહ્યું છે ત્યારે ભાજપના રાષ્ટ્રીય અધ્યક્ષ અમિત શાહ અમદાવાદ ખાતે રહેલા પોતાના નિવાસસ્થાને આવીને દિવાળી પર્વ પોતાના પરિવારજનો સાથે ઉજવી શકે છે.
આ સાથે જ આગામી સમયમાં સૌરાષ્ટ્રની જસદણ બેઠકની ચૂંટણી પણ નજીક આવી રહી છે તેના અનુસંધાને ઉમેદાવારની પસંદગી તથા પોતાના ઉમેદવારને જીતાડવા માટે કેવા પ્રકારની તૈયારીઓ કરવી તે અંગે પણ પક્ષના દિગ્ગજ નેતા સાથે વાતચીત કરી શકે છે.