IPLIN
 

ચૂંટણી / કોલકત્તામાં અમિત શાહના રોડ શોમાં બબાલ: ગાડીઓ સળગી, પોલીસનો લાઠીચાર્જ

Team VTV 07:53 PM, 14 May 19 | Updated: 07:57 PM, 14 May 19
Follow us
amit-shah bengal mamata benarjee

આગામી 19 મેના રોજ લોકસભા ચૂંટણીના અંતિમ તબક્કાનું મતદાન યોજાવાનું છે. તે પહેલા ભાજપના રાષ્ટ્રીય અધ્યક્ષ અમિત શાહે મંગળવારના રોજ પોતાની પાર્ટીના ઉમેદવારના સમર્થનમાં આજરોજ કોલકત્તામાં એક રોડ શો યોજ્યો હતો.

આપને જણાવી દઇએ કે, આ રોડ શો સાંજે 4.30 કલાકે મધ્ય કોલકત્તામાં યોજવાનો હતો અને તે સ્વામી વિવેકાનંદ ભવન પહોંચીને પૂર્ણ થવાનો હતો. તે પહેલા મોટી ધમાલ મચી જવા પામી હતી. ભાજપ અને TCMના કાર્યકર્તાઓ વચ્ચે ઝપાઝપી થઇ હતી.

સમર્થકોએ લગાવ્યા જય શ્રી રામના નારા

ઉલ્લેખનીય છે કે, શાહ કોલકત્તાના ભાજપના ઉમેદવાર રાહુલ સિન્હા અને દક્ષિણી કોલકત્તામાં પાર્ટીના ઉમેદવાર ચંદ્રકુમાર બોસ સાથે એક ટ્રકમાં ઉભા રહીને રસ્તાની બંન્ને તરફ હાજર રહેલી ભીડનું અભિવાદન જીલી રહ્યા હતા.

 

તેમની આગળના ભાગમાં રાજ્ય અને દેશના વિવિધ વિસ્તારોની સંસ્કૃતિઓની ઝાંખી કરવાતા પ્રદર્શનો ચાલતા હતા. આ સાથે જ ભાજપના સમર્થકો જય શ્રી રામ તથા નરેન્દ્ર મોદી જિંદાબાદ અને અમિત શાહ જિંદાબાદના નારા લગાવી રહ્યા હતા. આ રોડ શોમાં રામ અને હનુમાનની જેમ તૈયાર થઇને આવેલ લોકો પણ જોવા મળ્યા હતા. 

રોડ શો દરમિયાન હોબાળો

અમિત શાહના રોડમાં આ સમયે અચાનક બબાલ થઇ હતી. જે ટ્રકમાં શાહ સવાર હતા તેના પર ડંડા ફેંકવામાં આવ્યા હતા. જો કે, આ ઘટનાને પગલે સ્થાનિક પોલીસ તાત્કાલિક અસરથી હરકતમાં આવી હતી અને લાઠીચાર્જ કરવા લાગી હતી. તો આ તરફ કેટલાક લોકોએ આગચંપી પણ કરી હતી. જેને પગલે વાતાવરણ વધારે તંગ બન્યું હતું અને ભાગદોડ મચી જવા પામી હતી. 

પોલીસે માગ્યો મંજૂરી પત્ર

પશ્ચિમ બંગાળમાં ભાજપના અધ્યક્ષ અમિત શાહનો રોડ-શૉ યોજાયો હતો. કોલકત્તામાં અમિત શાહના રોડ શૉ દરમિયાન હોબાળો થયો હતો. અમિત શાહના રોડ શોમાં પોલીસ પહોંચી હતી. પોલીસે રોડ શૉની મંજૂરીનો પત્ર માંગ્યો હતો. આ રોડ શોમાં રાખેલા નરેન્દ્ર મોદીના પોસ્ટર પોલીસે હટાવ્યા છે. ત્યારબાદ હોબાળા બાદ રોડ-શો શરૂ થયો હતો.

 

mamata benarjee amit shah Lok Sabha Election 2019 rally
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ