નિવેદન / કેન્દ્રીય ગૃહમંત્રી અમિત શાહે હિન્દીને રાષ્ટ્રીય ભાષા બનાવવાની કરી અપીલ

• દેશની એક જ ભાષા હોવી અત્યંત આવશ્યક છે, જે વિશ્વમાં ભારતની ઓળખ બને : અમિત શાહ
• અમિત શાહે કહ્યું - હિન્દી દેશને એકતાની ડોરમાં બાંધવાનું કામ કરી શકે છે
• અમિત શાહે કહ્યું - રોજિંદા જીવનમાં હિન્દીને પ્રોત્સાહન આપીએ 

ગૃહમંત્રી અમિત શાહે હિન્દી દિવસ પર દેશને શુભકામના આપતા ટ્વિટ કર્યું, 'આજે હિન્દી દિવસના અવસરે હું દેશના તમામ નાગરિકોને અપીલ કરુ છું કે આપણે પોત-પોતાની માતૃભાષાના પ્રયોગને પ્રોત્સાહન આપીએ અને સાથે જ હિન્દી ભાષાનો ઉપયોગ કરી દેશની એક ભાષાના પૂજ્ય બાપૂ અને લોહ પુરુષ સરદાર પટેલના સ્વપ્નને સાકાર કરવામાં યોગદાન આપીએ.' એમણે કહ્યું કે ભારત વિભિન્ન ભાષાઓનો દેશ છે અને તમામ ભાષાનું પોતાનું મહત્વ છે પરંતુ આખા દેશની એક જ ભાષા હોવી અત્યંત આવશ્યક છે, જે વિશ્વમાં ભારતની ઓળખ બને. 

आज हिंदी दिवस के अवसर पर मैं देश के सभी नागरिकों से अपील करता हूँ कि हम अपनी-अपनी मातृभाषा के प्रयोग को बढाएं और साथ में हिंदी भाषा का भी प्रयोग कर देश की एक भाषा के पूज्य बापू और लौह पुरूष सरदार पटेल के स्वप्प्न को साकार करने में योगदान दें।

हिंदी दिवस की हार्दिक शुभकामनाएं

— Amit Shah (@AmitShah) September 14, 2019

અમિત શાહે કહ્યું કે આજે દેશને એકતાની ડોરમાં બાંધવાનું કામ જો કોઇ એક ભાષા કરી શકે છે તો તે સૌથી વધારે બોલવામાં આવતી હિન્દી ભાષા જ છે. બીજેપીના કાર્યકારી અધ્યક્ષ જેપી નડ્ડાએ કહ્યું કે હિન્દી ભારતમાં સૌથી વધારે બોલવામાં અને સમજવામાં આવતી ભાષા છે. જે આપણે સૌ ભારતીયોને એકતાના સૂત્રમાં પરોવે છે, અને વિશ્વમાં આપણી ઓળખ પણ છે. એમણે કહ્યું કે, 'આપ સૌને હિન્દી દિવસની હાર્દિક શુભકામના. આવો, આપણે સૌ પોતાના રોજિંદા જીવનમાં હિન્દીને પ્રોત્સાહન આપીએ અને બીજાને પણ પ્રેરણા આપીએ.' 

નોંધનીય છે કે આજે કાર્તિ ચિદમ્બરમે કહ્યું કે, હિન્દીને અનિવાર્ય કરવી તમિલનાડ઼ુ ક્યારેય સ્વીકાર કરશે નહીં. ભારતમાં રાષ્ટ્રીય સ્તર પર બે સત્તાવાર ભાષાઓ છે જ્યારે 22 ભાષાઓને રાજ્યની ભાષા તરીકે દરજ્જો પ્રાપ્ત છે પરંતુ દેશમાં હજુ સુધી કોઇપણ ભાષાને રાષ્ટ્રીય ભાષાનો દરજ્જો પ્રાપ્ત નથી.