ગુજરાતમાં આજે સ્થાનિક સ્વરાજની ચૂંટણીને લઈને મતદાન કરવામાં આવી રહ્યું છે ત્યારે કેન્દ્રીય ગૃહમંત્રી અમિત શાહે નારણપૂરા વોર્ડમાં મતદાન કર્યું હતું.
કેન્દ્રીય ગૃહમંત્રી અમિત શાહે કર્યું મતદાન
નારણપૂરા વોર્ડમાં પરિવાર સંગ મતદાન
અમદાવાદના 48 વોર્ડની 191 બેઠકો માટે શહેરીજનો કરશે મતદાન
અમિત શાહ મતદાન કરવા પહોંચ્યા
અમદાવાદમાં કેન્દ્રીય ગૃહમંત્રી અમિત શાહે નારણપૂરા વોર્ડમાં મતદાન કર્યું હતું. નારણપુરામાં અર્બન હેલ્થ સેન્ટર ખાતે પરિવાર સાથે મતદાન કરવા માટે તેઓ પહોંચ્યા હતા. નોંધનીય છે કે અમિત શાહ આવે તે પહેલા જ ચુસ્ત પોલીસ બંદોબસ્ત ગોઠવી દેવામાં આવ્યો હતો અને મોટી સંખ્યામાં ભાજપ નેતાઑ પોલિંગ બૂથની બહાર એકઠા થયા હતા.
Gujarat local body polls: Union Home Minister Amit Shah along with his family members casts his vote at Naranpura Sub Zonal Office in Ahmedabad pic.twitter.com/YlgnCji7Lf
વસ્ત્રાલમાં માધવ વિધા વિહાર ખાતે પરિવાર સાથે પ્રદીપસિંહ મતદાન કરવા પહોંચ્યા હતા. તેમણે કહ્યું કે 25 વર્ષથી અમદાવાદ કોર્પોરેશનમાં ભાજપનું શાસન છે અને અમદાવાદને ઉત્તમમાંથી સર્વોત્તમ બનાવવાનું છે
89 વર્ષની જૈફ વયે પણ મતદાન માટે પહોંચ્યા
ગુજરાતની મહાપાલિકાની ચૂંટણીમાં મતદાનને લઈને લોકોમાં ઉત્સાહ જોવા મળી રહ્યો છે. અમદાવાદમાં વૃદ્ધ દંપતિ વહેલી સવારે મતદાન માટે પહોંચ્યા હતા. 89 વર્ષના અંબાલાલ જાદવ અને તેમના પત્ની નિર્મલા જાદવે મતદાન કર્યુ હતું. પત્ની નિર્મલા જાદવ ટેકા વગર નથી ચાલી શકતા છતાં યુવાનોને મતદાન કરવા આ વૃદ્ધ દંપત્તિએ અપીલ કરી હતી.
કોંગ્રેસ પ્રવક્તા મનીષ દોશીએ કર્યુ મતદાન
કોંગ્રેસ પ્રવક્તા મનીષ દોશીએ મતદાન કર્યા બાદ કોંગ્રેસની જીતનો વિશ્વાસ વ્યક્ત કર્યો હતો
ઉર્જા મંત્રી સૌરભ પટેલે કર્યુ મતદાન
સ્થાનિક સ્વરાજની ચૂંટણીનો જંગ આજે જામ્યો છે ત્યારે ઉર્જા મંત્રી સૌરભ પટેલે અમદાવાદમાં મતદાન કર્યું છે.