IPL 12મી સિઝનના એલિમિનેટર મેચમાં દિલ્હીએ હૈદરાબાદને હરાવીને ટૂર્નામેન્ટથી બહારનો રસ્તો બતાવ્યો. આ મેચમાં એક ખાસ ઘટના જોવા મળી. મેચની બીજી ઇનિંગમાં છેલ્લી ઓવરમાં દિલ્હીના પ્લેયર અમિત મિશ્રા વિચિત્ર રીતે આઉટ થયો.
હૈદરાબાદે આપેલા 163 રનના ટાર્ગેટનો પીછો કરવા ઉતરેલી દિલ્હીની ટીમે જીત માટે છેલ્લી ઓવરમાં 3 બોલમાં 2 રનની જરૂર હતી. બોલર ખલીલ અહેમદે બોલ ફેંક્યો જેના પર અમિત મિશ્રાએ શોટ મારવાનો પ્રયાસ કર્યો, પરંતુ બોલ અને બેટનો સંપર્ક ના થઇ શક્યો. બોલ વિકેટકિપર રિદ્ઘિમાન સાહાના હાથમાં આવે અને તો થ્રો કરે તે પહેલા અમિત મિશ્રા રન દોડવા ભાગ્યો. સાહાએ રન આઉટ માટે બોલ થ્રો કર્યો જે સ્ટમ્પ પર વાગવાનો હતો પર વાગવાનો હતો પરંતુ વચ્ચે અમિત મિશ્રા આવી ગયો.
જોકે હવે સવાલ ઉઠે છે કે જ્યારે થ્રો સ્ટમ્પ પર વાગ્યો જ નથી તો મિશ્રાને આઉટ કેમ અપાયો. વાસ્તવમાં મિશ્રા વિકેટની વચ્ચે દોડી રહ્યો હતો, જે ક્રિકેટના નિયમોની વિરુદ્ઘ છે. આ માટે તેને (ઓબ્સ્ટ્રક્ટિંગ ધ ફિલ્ડ) આઉટ આપી દેવામાં આવ્યો. અમિત મિશ્રા IPLમાં આ રીતે આઉટ થનારો બીજો ખિલાડી છે, પહેલા 2013માં યુસુફ પઠાણને પણ આ રીતે આઉટ આપવામાં આવ્યો હતો.