બંગાળમાં એક લોકસભા અને ચાર વિધાનસભા સીટો પર પેટાચૂંટણી પહેલા સત્તાધારી ટીએમસીના ધારાસભ્ય નરેન ચક્રવર્તીનો એક વીડિયો વાયરલ થઈ રહ્યો છે.
બંગાળમાં આવી રહી છે પેટાચૂંટણી
ટીએમસી અને ભાજપ વચ્ચે સીધી ટક્કર
મમતાના ધારાસભ્યનો એક વીડિયો વાયરલ
બંગાળમાં એક લોકસભા અને ચાર વિધાનસભા સીટો પર પેટાચૂંટણી પહેલા સત્તાધારી ટીએમસીના ધારાસભ્ય નરેન ચક્રવર્તીનો એક વીડિયો વાયરલ થઈ રહ્યો છે. તેમાં તે ભાજપના મતદારોને ધમકાવતા હોય તેવો વીડિયો સામે આવ્યો છે. નરેન ચક્રવર્તી વીડિયોમાં કહી રહ્યા છે કે, બાજપને મત આપ્યા તો, ચૂંટણી બાદ જોઈ લઈશું. તેની સાથે જ તેઓ એવું પણ કહી રહ્યા છે કે, જો ભાજપને વોટ નહીં આપો તો તે રાજ્યમાં રહી શકશે, અને ધંધા રોજગાર કરી શકશે, ટીએમસી તેમનું સમર્થન કરશે.
ભાજપ આઈટી સેલના પ્રમુખ અને બંગાળના સહપ્રભારી અમિત માલવિયાએ આ વીડિયો શેર કરતા ચૂંટણી પંચને એક્શન લેવાની માગ કરી છે. માલવિયાએ બંગાળના સીએમ અને ટીએમસી પ્રમુખ મમતા બેનર્જીની પણ ટિકા કરી છે અને તેમના પર આવા ધારાસભ્યોનું સંરક્ષણ કરવાનો આરોપ લગાવ્યો છે.
TMC’s Pandaveswar (Asansol) MLA Naren Chakraborty, is seen issuing open threats to BJP voters and supporters, asking them not to come out and vote, or else face consequences. Such criminals should be behind bars but in Bengal Mamata Banerjee patronises them.
માલવિયએ કહ્યું કે, આસનસોલ પાંડવેશ્વરથી ટીએમસી ધારાસભ્ય નરેન ચક્રવર્તી ભાજપ મતદારો અને સમર્થકોને ખુલ્લી ધમકી આપી રહ્યા છે. તેઓ કહે છએ કે, ભાજપ સમર્થક બહાર ન આવતા અને વોટ ન આપતા, નહીં તો પરિણામ ભોગવવા માટે તૈયાર રહેજો. આવા અપરાધીઓને જેલના સળિયા પાછળ નાખી દેવા જોઈએ. પણ બંગાળમાં મમતા બેનર્જી તેમને સંરક્ષણ આપી રહી છે.
12 એપ્રિલે આસનસોલ લોકસભા સીટ પર પેટાચૂંટણી
આસનસોલ લોકસભા સીટ અને ચાર વિધાનસભા સીટો પર પેટાચૂંટણી 12 એપ્રિલે થવાની છે. આસનસોલ સીટથી સાંસદ રહેલા બાબુલ સુપ્રિયો ગત વર્ષે ઓક્ટોબરમાં ભાજપ સાથે મતભેદ થતાં લોકસભામાંથી રાજીનામું આપી દીધું હતું. જે બાદ આ સીટ ખાલી પડી હતી. બાદમાં ટીએમસીમાં જોડાઈ ગયા હતા. આસનસોલ સીટ પરથી ટીએમસીએ શત્રુધ્ન સિંહાને ટિકિટ આપી છે. જ્યારે ભાજપે અગ્નિમિત્રા પાલને ઉતાર્યા છે.