ગુજરાત વિધાનસભા પેટા ચૂંટણી આડે એક રાતનું અંતર છે. ત્યારે પોરબંદર બાયડ અને લુણાવાડામાં દારુનો જથ્થો પકડાયો છે. ત્યારે સરકાર દારુબંધીની વાતો માત્ર વાતો જ સાબિત થઈ રહી છે. પેટા ચૂંટણીને કારણે રોજ કરતા રાજ્યમાં સુરક્ષા વ્યવસ્થા વધારે સઘન કરવા છતાં દારુની હેરા ફેરી કેવી રીતે થઈ રહી છે. પેટા ચૂંટણી ટાણે પકડાયેલો દારુ સુરક્ષા વ્યવસ્થાની પોલ ખોલી છે.
પેટા ચૂંટણી પહેલા લુણાવાડા, બાયડ અને પોરબંદરમાં દારુ પકડાયો
દારુ સાથે પકડાયેલાં આરોપીએ માર માર્યાનાં આક્ષેપો કર્યા છે
અમિત ચાવડાએ કહ્યું ભાજપ લોકોને દારુનાં નામે લલચાવે છે
બાયડમાં ગઈ કાલે રાતે દારુ પકડાવાનાં મુદ્દે રાજકારણ ગરમાયું છે. ગુજરાતમાં દારુબંધીને લઈને અશોક ગહેલોતે સવાલ ઉઠાવી ચૂક્યાં છે. ત્યારે સીએમ વિજય રુપાણી પણ તેને પ્રતિષ્ઠાનો પ્રશ્ન બનાવી ચૂક્યાં હતાં. ત્યારે સવારે એ છે કે પેટા ચૂંટણી સમયે બોર્ડર પર કડક સુરક્ષા છે . રાજ્યની અંદર પણ સુરક્ષાનાં દાવા કરાઈ રહ્યાં હોય ત્યારે બાયડ, લુણાવડા અને પોરબંદરમાં દારુો જથ્થો પકડાયો છે.
દારુ કયાં રુટથી આવ્યો કોણે મંગાવ્યો?
શનિવારની રાતે બે કંટેનર દારું બાયડમાંથી પકડાયો છે. જેને લઈને અરવલ્લી DYSP નિસર્ગ પટેલે દારુ પકડાવા પર નિવેદન આપ્યુ છે કે પોલીસને વૃંદાવન હોટેલમાં ખાતે દારુ હોવાનો કોલ મળ્યો હતો. તપાસ કરતાં ત્યાંથી 2 લાખની કિંમતનો દારુ પકડાયો હતો. સાથે સાથે 1 આરોપીની ધરપકડ કરવામાં આવી છે. બીજી તરફ આરોપી કિર્તી પટેલે તેને માર માર્યાનો પણ આક્ષેપ કર્યો છે. DYSP નિસર્ગ પટેલે જણાવ્યું હતું કે દારુ કોણે મંગાવ્યો છે. કયાં રુટ પરથી દારુ આવ્યો છે તે જાણવા માટે સીસીટીવીની તપાસ કરવામાં આવશે.
પોલીસને નિષ્પક્ષ તપાસ કરવા માંગ
અરવલ્લીના બાયડમાં દારૂ ઝડપવા મુદ્દે કોંગ્રેસે પોલીસને રજુઆત કરી છે. કોંગ્રેસનાં મધુસુદન મિસ્ત્રી તેમનાં કાર્યકરો સાથે પોલીસ સ્ટેશને રજૂઆત કરવા પહોંચ્યા હતા. બાયડ પોલીસ સ્ટેશને DySPને નિષ્પક્ષ તપાસ કરવાની માંગ કરી છે.
અમિત ચાવડાનું સરકાર પર નિશાન
અમિત ચાવડાએ ભાજપ પર નિશાન સાધતા કહ્યું હતું કે, ભાજપ દારૂના નામે લોકોને લલચાવે છે. ગાંધીનાં ગુજરાતમાં દારૂબંધી અને બીજી તરફ ખુલ્લે આમ દારૂ વેચાય છે. બધી બોડર પર પોલિસ છે તો દારૂ ક્યાંથી આવે છે. પ્રદીપ સિંહ જે હોટેલમાં રોકાય છે ત્યાં દારૂ પકડાય છે. આખું પોલીસ તંત્ર ભાજપને જીતાડવા ખેપ મારી રહું છે. ભાજપ સરકાર ખુલ્લે આમ દારૂ નું વિતરણ કરાવે છે. ગૃહ મંત્રીએ આવા સંજોગોમાં રાજીનામુ આપવું જોઈએ. જે ધારાસભ્યો દારૂ બંધીની વાત કરતા હતા એ જ આજે દારૂ મંગાવે છે.
પોરબંદરમાંથી દારુ પકડાયો
પોરબંદરમાંથી દારુનો જથ્થો ઝડપાયો છે. SOGએ બાતમીને આધારે કેશવ ગામે વાડીમાંથી દારૂનો જથ્થો કબ્જે કર્યો છે. આ કેસમાં વિરમ કેશવાલા નામનાં શખ્સની પણ ધડપકડ કરવામાં આવી છે. પોલીસે કુલ 1.29 લાખનો મુદ્દામાલ કબ્જે કર્યો છે. મુદ્દામાલ જપ્ત કરી પોલીસે કાર્યવાહી હાથ ધરી છે. ત્યારે સવાલ એ પણ છે કે આટલી કડક વ્યવસ્થા હોવા છતાં દારુ કેવી રીતે રાજ્યમાં આવ્યો છે.