કોંગ્રેસનો ગઢ માનવામાં આવતી આણંદ જિલ્લાની આંકલાવ બેઠક પર કોંગ્રેસે ફરી અમિત ચાવડાને રિપીટ કર્યા હતા.
આંકલાવ બેઠક પર અમિત ચાવડાની ફરી જીત
કોંગ્રેસનો ગઢ માનવામાં આવે છે આણંદ જિલ્લાની આંકલાવ બેઠક
કોંગ્રેસનો ગઢ માનવામાં આવતી આણંદ જિલ્લાની આંકલાવ બેઠક પર અમિત ચાવડાની ફરી જીત થઈ છે. આ બેઠક પર કોંગ્રેસે ફરી અમિત ચાવડાને રિપીટ કર્યા હતા અને લોકોએ ફરી ફરી કોંગ્રેસના આ ઉમેદવારને જ પસંદ કર્યો છે.
કોંગ્રેસનો ગઢ માનવામાં આવતી આણંદ જિલ્લાની આંકલાવ બેઠક પરથી કોંગ્રેસે ફરી આ વખતે અમિત ચાવડાને રિપીટ કર્યા હતા. તો ભાજપે અમિત ચાવડાની સામે ગુલાબસિંહ પઢિયારને ચૂંટણીના મેદનમાં ઉતાર્યા હતા. તો આમ આદમી પાર્ટીએ ગજેન્દ્રસિંહ પર વિશ્વાસ મૂક્યો હતો.
કોંગ્રેસનો ગઢ કહેવાય છે આંકલાવ બેઠક
ગુજરાત કોંગ્રેસ કમિટીના પૂર્વ પ્રમુખ અમિત ચાવડા આ બેઠક પરથી ચૂંટણી લડી રહ્યા હોવાથી આ બેઠક પર દરેકની નજર હતી. વાસ્તવમાં આંકલાવ વિધાનસભા બેઠકની રચના વર્ષ 2012માં નવા સીમાંકન બાદ કરવામાં આવી હતી. આ બેઠક પર વર્ષ 2012થી જ કોંગ્રેસનો દબદબો જોવા મળ્યો છે એટલે આ બેઠકને કોંગ્રેસનો ગઢ કહી શકાય છે.
ગુજરાત વિધાનસભાની 182 વિધાનસભા બેઠક પૈકી 110 નંબરની આંકલાવ બેઠક અંતર્ગત આંકલાવ તાલુકા અને તે સિવાય આંકલાવ તાલુકાના ખાનપુર, સરસા, બેવડા, ગોપાલપુરા, મોગર, ખેડ્રા, વહેરાખંડી, રામનગર, વડોદ વગેરે જેવા કુલ 17 ગામોનો સમાવેશ થાય છે. અહીંના લોકો મોટાભાગે ખેતીના વ્યવસાય સાથે સંકળાયેલા છે.
આંકલાવ બેઠક પર મતદારો
આ બેઠક પર આશરે 2,21,099 મતદારો નોંધાયેલા છે. જેમાંથી 1,13,040 પુરુષ મતદારો છે, જ્યારે 1,08,058 મહિલા મતદારો છે. આ બેઠક પર ક્ષત્રિય મતદારો નિર્ણાયક ભૂમિકા ભજવી જતા હોય છે.
2012 અને 2027માં જીત્યા હતા અમિત ચાવડા
આંકલાવ બેઠકના અસ્તિત્વ બાદ બે ટર્મથી કોંગ્રેસના અમિત ચાવડા ચૂંટાતા આવ્યા છે. 2017માં તેઓ 34 હજાર મતોની સરસાઈથી જીત્યા હતા. તો વર્ષ 2012માં કોંગ્રેસના અમિત ચાવડાએ ભાજપના ઉમેદવાર અમરસિંહ સોલંકીને 20 હજારથી વધુ મતોના તફાવતથી હરાવ્યા હતા.
કોણ છે અમિત ચાવડા?
અમિત ચાવડા પ્રદેશ કોંગ્રેસના પૂર્વ પ્રમુખ રહી ચૂક્યા છે
આંકલાવના વર્તમાન ધારાસભ્ય છે
તેઓ બોરસદ બેઠક પર પણ ધારાસભ્ય રહ્યા છે
શ્રેષ્ઠ યુવા ધારાસભ્યનો એવોર્ડ પ્રાપ્ત થયો છે
આણંદ યુથ કોંગ્રેસના પૂર્વ પ્રમુખ
વિધાનસભામાં અનેક કમિટિઓના સભ્ય રહ્યા
આંકલાવ APMCના પૂર્વ ચેરમેન
ગુજરાત સ્ટેટ કો.ઓપરેટિવ બેન્ક અમદવાદના પૂર્વ ડાયરેક્ટ
KDCC બેન્ક નડિયાદમાં પૂર્વ ડાયરેક્ટર
આણંદ ડિસ્ટ્રીક્ટ કો.ઓપરેટિવ સંઘના પૂર્વ ડાયરેક્ટર