બિન અનામત વર્ગને 20% અનામત અને OBC સમાજને 27% બજેટ ફાળવોઃ અમિત ચાવડા

ગાંધીનગર: બિનઅનામત માટે આર્થિક અનામતની ગૃહમાં માગ કરવામાં આવી છે. કોંગ્રસના ધારાસભ્ય અમિત ચાવડાએ આર્થિક અનામત માટે માગ કરી છે.

તેમણે જણાવ્યુ હતું કે સરકારી નોકરી અને અભ્યાસમાં 20 ટકા આર્થિક અનામત લાવવું જોઇએ. કોંગ્રેસ તરફથી દંડક અમિત ચાવડાએ ગૃહમાં માંગણી કરી હતી. સર્વે કરવાની જરૂર પડે તો સર્વે કરવો જોઇએ.

અલગ બજેટ ફાળવવું હોય તો કોંગ્રેસ તૈયાર છે. ગુજરાતમાં 52 ટકા વસ્તીવાળા OBC સમાજ સાથે અન્યાય કરવામાં આવ્યો છે.

OBC સમાજ માટે અલગથી 27 ટકા બજેટની જાહેરાત કરવામાં આવે. બિન અનામત વર્ગ માટે 20 ટકા આર્થિક અનામત આપવામાં આવે તેવી ચાવડાએ માગ કરી છે.