સ્માર્ટ સિટીના રેન્કમાં રાજકટો પાછળ ધકેલાતા મનપાના કમિશ્નર અમિત અરોરાએ બેઠકમાં અધિકારીઓના ક્લાસ લઈ લીધો હતો, સાથે પ્રી મોન્સૂન કામગીરીનો રેકોર્ડ પણ માગ્યો હતો
વડોદરા બાદ રાજકોટ પણ રેન્કમાં પાછળ
સ્માર્ટ સિટીના રેન્કમાં પાછળ ધકેલાયા
કમિશ્નરે અધિકારીઓનો ક્લાસ લીધો
વડોદરા બાદ રાજકોટ હવે સ્માર્ટ સિટીના રેન્કમાં પાછળ ધકેલાયું છે. રાજકોટ 46મા ક્રમાંકે ધકેલાતા કમિશનરે કારણ માગ્યું છે. મનપા કમિશ્નરે અધિકારીઓનો ક્લાસ લીધો હતો. મનપાના કમિશ્નર અમિત અરોરાએ બેઠકમાં અધિકારીઓના ક્લાસ લઈ લીધો હતો. સાથે પ્રી મોન્સૂન કામગીરીનો રેકોર્ડ પણ માગ્યો હતો. નીચાણવાળા વિસ્તારમાં પાણી ભરાવવાની સમસ્યાની યાદી માગી હતી.
સુરત નંબર-1 પર, વડોદરા 6 નંબરમાંથી 20 પર પહોંચ્યું
મહત્વનું છે કે, દેશમાં વર્ષ 2017થી જ સ્માર્ટ સિટીની જાહેરાત કરવામાં આવે છે. દેશમાં 100 સ્માર્ટ સિટીની યાદી બનાવવામાં આવે છે. તેમાં ગુજરાતના વડોદરા, સુરત અને રાજકોટની ચર્ચા દર યાદીમાં થતી હોય છે. પરંતુ આ વખતની જાહેર યાદીમાં વડોદરાને 20મા ક્રમે મુકવામાં આવ્યું છે. ભારત સરકાર દ્વારા તમામ શહેરોના વિકાસના કામ અને આગામી પ્રોજેક્ટ આધારે રેન્કિંગનું મુલ્યાંકન કરવામાં આવે છે. ગયા વર્ષ વડોદરા 6 નંબર પર હતું. જેનું સ્થાન હવે 20 પર પહોંચી ગયું છે. જો કે, સુરત પ્રથમ ક્રમાંકે છે. તો ટોપ-20માં વડોદરા 20માં ક્રમાક પર છે. જ્યારે રાજકોટનું સ્થાન 46મા ક્રમ પર પહોંચતા રાજકોટ મનપાના કમિશનરે અધિકારીઓની ક્લાસ લઈ લીધી છે.
મહત્વનું છે કે, રાજકોટમાં ગઈકાલે કલેક્ટર રૈમ્યા મોહનની બદલી થઈ હતી. સાથે મનપાના કમિશનરની પણ બદલી થઈ છે. જે બાદ મનપામાં નવા કમિશનર તરીકે અમિત અરોરાની નિમણૂક કરાઈ છે. તો નાયબ કમિશનર તરીકે આશિષ કુમારે ચાર્જ લીધો છે. તો મનપાના નવા કમિશનરે ચાર્જ સંભાળતાની સાથે જ શહેરના અલગ-અલગ વિસ્તારની સમસ્યા અંગે ચર્ચા કરી હતી. જેમાં ચોમાસામાં ભરાતા પાણીની સમસ્યાનું નિવારણ અને નિકાલ માટે પ્રાથમિકતા અપાશે. રાજકોટ સાથે જોડાયેલા ગામડાઓમાં રસ્તા અને વિકાસના કામ અંગે પણ ચર્ચા કરી હતી.