આક્ષેપ / ડિજિટલ એજ્યુકેશનની વાતો વચ્ચે સરકારની આ મોટી યોજના ખોરંભે : રૂપિયા ભર્યા હોવા છતાં વિદ્યાર્થીઓ હાથ ખાલી

• એક હજારમાં ટેબ્લેટની જાહેરાત ખોરંભે ચડી
• અનેક યુનિ.ના વિદ્યાર્થીઓ ટેબ્લેટથી વંચિત
• સરકારે ટેબ્લેટ યોજના બંધ કરી દીધાનો આક્ષેપ

રાજ્ય સરકારે વર્ષ 2017માં 1 હજાર રૂપિયામાં નમો ટેબ્લેટ યોજના શરૂ કરી હતી. આ યોજના હેઠળ બે વર્ષ સુધી વિદ્યાર્થીઓને ટેબ્લેટ આપવામાં આવ્યા હતા પણ એ પછી ગયા વર્ષે કોરોના પેનડેમીકને કારણે યોજના હેઠળ ટેબ્લેટ મળી શક્યા નહોતા. ટેબ્લેટની ક્વોલિટી સારી ન હોવા સાથે ચાઈના સાથે પ્રોબ્લેમ થવાના કારણે ગુજરાત સરકારે ચાઈના પાસે ટેબ્લેટ લેવાનું માંડી છે ત્યારે છેલ્લા બે વર્ષથી આ યોજના બંધ છે .

સરકારે ટેબ્લેટ યોજના બંધ કરી દીધી હોવાનો આક્ષેપ

ત્યારે વિદ્યાર્થીઓ આ ઈ-ટેબ્લેટથી વંચિત રહેતા ડિપ્લોમા સેલ્ફ. કોલેજ એસો.ના પ્રમુખ જિતેન્દ્ર ઉપાધ્યાયે સરકાર પર સવાલો ઉઠાવ્યા છે. તેમણે જણાવ્યું  હતું કે,  સરકાર એક તરફ ડિજિટલ એજ્યુકેશનની વાતો કરે છે કે, ત્યારે બીજી બાજુ રાજ્યના અનેક યુનિવર્સિટીના વિદ્યાર્થીઓ ટેબ્લેટથી વંચિત છે. 

રાજ્યના 60 હજારથી વધુ વિદ્યાર્થીઓને હજી  સુધી ટેબ્લેટ મળ્યા નથી

તેમણે વધુમાં ઉમેર્યું હતું કે,  રાજ્યના 60 હજારથી વધુ વિદ્યાર્થીઓને હજી  સુધી ટેબ્લેટ મળ્યા નથી. ઉલ્લેખનયી છે કે,  વર્ષ 2019માં રૂપિયા ભર્યા છતાં હજુ ટેબ્લેટ મળ્યા નથી. કોરોના કાળમાં ટેબ્લેટની જરૂરિયાત હતી છતાં ટેબ્લેટ આપ્યા નથી જ્યારે 2020 અને 21માં તો જાણે આ યોજના બંધ થઇ ગઇ તેમ  ટેબ્લેટનું રજિસ્ટ્રેશન જ બંધ કરી દેવાયું છે. 

Vtvના સળગતાં સવાલો 

- વિદ્યાર્થીઓને હજુ સુધી કેમ નથી અપાયા ટેબ્લેટ?
- ડિજિટલ એજ્યુકેશનની વાતો કરતી સરકારે વિદ્યાર્થીઓને ટેબ્લેટથી વંચિત કેમ રાખ્યા?
- 2019માં રૂપિયા ભર્યા તેમને પણ હજુ સુધી ટેબ્લેટ કેમ અપાયા નથી?
- રજિસ્ટ્રેશન કર્યું છે એ વિદ્યાર્થીઓને ટેબ્લેટ ક્યારે મળશે?
- શું સરકાર વિદ્યાર્થીઓને હવે ટેબ્લેટ આપવા માંગતી નથી?
- ટેબ્લેટનું રજિસ્ટ્રેશન શા માટે બંધ કરી દેવામાં આવ્યું છે?
- શું સરકારે ટેબ્લેટ યોજના બંધ કરી દીધી છે?