મહામારી / ગુજરાતમાં ત્રીજી લહેરની દહેશત વચ્ચે રાજકોટથી આવ્યા ખરાબ સમાચાર, તંત્ર થયું દોડતું

• રાજકોટમાં 5 મહિના બાળકનું શંકાસ્પદ  મોત 
• સિવિલ સુપરિટેન્ડન્ટે આપ્યા કેસની તપાસના આદેશ 
• રાજકોટ મનપા કમિશ્નર અમિત અરોરાનું નિવેદન 

રાજકોટની સિવિલ હોસ્પિટલના કોરોના વોર્ડમાં 5 મહિનાના બાળકનું શંકાસ્પદ મોત થતા પરિવારમાં શોકમગ્ન બની ગયું છે બાળકોને કોરોના થતા 19 તારીખે બાળકે દાખલ કરવામાં આવ્યું હતું. મહત્વનું છે કે રાજકોટ સિવિલ હોસ્પિટલમાં કોરોના ગ્રસ્ત 4 બાળકોને દાખલ કરવામાં આવ્યા છે જેમાં 5 મહિનાના બાળકોનું મોત શંકાસ્પદ મોત થતા સિવિલ સુપરિટેન્ડેન્ટે કેસની તપાસના આદેશ આપ્યો છે. 

રાજકોટમાં 5 મહિના બાળકનું શંકાસ્પદ મોત 
મહત્વનું છે કે રાજ્યમાં કોરોનાની ત્રીજી લહેરનું જોખમ વર્તાઈ રહ્યું છે જેમાં બાળકો પર કોરોનાનું સૌથી વધુ સંકટ મનાઈ રહ્યું છે રાજકોટમાં આરોગ્ય તંત્ર કોરોનાની સંભવિત ત્રીજી લહેરને લઈ સાવચેત બન્યું છે નિષ્ણાતોના મતે ત્રીજી લહેર ત્રાટકવાનો અંદાજ છે અને ખાસ કરીને ત્રીજી લહેરમાં નાના બાળકોને વધુ અસર થવાનો ભય સેવાઈ રહ્યો છે. ત્યારે 5 મહિનાના બાળકનું શંકાસ્પદ મોત થતા શહેરીજનોમાં ફફડાટ વ્યાપી ગયો છે.

સિવિલ સુપરિટેન્ડન્ટે આપ્યા કેસની તપાસના આદેશ 
હાલ તો સમગ્ર મામલે સિવિલ સુપરિટેન્ડન્ટે કેસની તપાસ કરવાના આદેશ આપ્યા છે. બાળકનું કોરોનામાં મોત થયું છે કે નહીં તે અંગે હજુ  સ્પષ્ટ જાણકારી આપવામાં આવી નથી, જો કે હાલ રાજકોટનું આરોગવ્ય વિભાગ અલર્ટ બની ગયું છે રાજકોટ મનપા કમિશ્નર અમિત અરોરાએ નિવેદન આપતા જણાવ્યું છે કે સ્થિતિ ગંભીર બને તે પહેલા જ તંત્ર અલર્ટ બની ગયું છે. તહેવારોમાં લોકોની ભીડ જામતી હોય છે ત્યારે કોરોના ફેલાવાનો સૌથી ખતરો વધી જતા હોય છે.

બાળકો અને લોકોનો ટેસ્ટ થશે-અમિત અરોરા
રાજકોટ મનપા કમિશ્નર અમિત અરોરાએ લોકોને ભીડ એકઠી ન કરવા અપીલ કરી નાના બાળકોને ભીડવાળી જગ્યાએ ન લઈ જવા જણાવ્યું છે. 5 માસના બાળકનું શંકાસ્પદ મોત નિપજતા મનપાનું આરોગ્ય વિભાગ દ્વારા કોઠારિયા રોડ પરના બાળકોના ટેસ્ટ કરવામાં આવશે સાથે જ બાળકના આસપાસના રહેવાસીઓની પણ તપાસ કરવામાં આવશે તેવું જણાવ્યું છે. કોઠારીયા વિસ્તારમાં રહેતા આ બાળકને 2 દિવસ પહેલા કોરોના થતા સિવિલમાં દાખલ કરવામાં આવ્યો હતો. પરંતુ બાળકનું કોરોનાથી મોત થતા શહેરીજનોમાં ચિંતાની લાગણી ફેલાઈ છે. 

બાળકોને ત્વરિત વેક્સિન આપવામાં આવશે : નીતિન પટેલ
રાજકોટમાં કોરોનાથી બાળકના શંકાસ્પદ મોત બાદ નાયબ મુખ્યમંત્રી નીતિન પટેલનું નિવેદન સામે આવ્યું છે. નાના બાળકોને સંક્રમણ થયું હોય તેવા કિસ્સા સામે આવ્યા ત્યારે નાના બાળકોની સારવાર માટે તૈયારીઓ છે પહેલાથી જ કરવામાં આવી છે  સિવિલ હોસ્પિટલમાં બાળકો માટે તૈયારીઓ કરી છે સાથે વેક્સિનના બે ડોઝ લીધા હોય તેને પણ કોરોના થઇ શકે છે તેવું નીતિન પટેલે જણાવ્યું છે. વેક્સિન મામલે નિવેદન આપતા નીતિન પટેલે જણાવ્યું છે કે ઝાયડસ કંપનીની વેક્સિનને મંજૂરી આપી છે ટુંક સમયમાં જ બાળકોને ઝાયડસની વેક્સિન બાળકોને આપવામાં આવશે.