કોરોના મહામારી વચ્ચે કેરળમાં હવે મંકી ફિવર નામની નવી બિમારી એન્ટ્રી થઈ છે. જેમા 24 વર્ષીય યુવકમાં મંકી ફિવરનો પહેલો કેસ નોંધાયો છે.
કેરળમાં નવી બિમારી સામે આવી
મંકી ફિવરનો પહેલો કેસ કેરળમાં નોંધાયો
વાનરોમાંતી ફેલાયો છે મંકી ફિવર
એકતરફ દેશમાં લોકો કોરોના મહામારી સામે લડી રહ્યા છે. ત્યારે વધુમાં બીજી એક ગંભીર બિમારી સામે આવી છે. કેરળના વાયનાડ જિલ્લામાં મંકી ફીવરનો એક મામલો સામે આવ્યો છે. જેની જાણકારી રાજ્ય વિભાગના સ્વાસ્થય અધિકારીઓ દ્વારા આપવામાં આવી છે. 24 વર્ષના એક યુવકને અહીયા ક્યાસનુર ફોરેસ્ટ ડિજીઝની બિમારી થઈ છે.
સ્થાનિકોને સચેત કરવામાં આવ્યા
યુવકને જે બીમારી થઈ છે તેને સામાન્ય ભાષામાં મંકી ફિવર કહેવામાં આવે છે. જિલ્લા ચિકિત્સા અધિકારી ડૉ. સકીનાએ કહ્યું કે સ્વાસ્થ્ય અધિકારીઓએ પહેલાથી આ સીઝનલ ફિવરને લઈને એલર્ટ જાહેર કરી દીધું છે. સાથેજ સ્થાનિક લોકોને પણ આ બિમારીને લઈને પહેલાથી સચેત કરી દીધા છે.
દર્દીની હાલત હાલ સ્થિર
ડૉ સકીનાએ એવું પણ કહ્યું કે મંકી ફીવર જે યુવકને થયો છે તેને મનંથવાડી ચિકિત્લા મહાવિદ્યાલયમાં ભરતી કરવામાં આવ્યો છે. સાથેજ ડૉક્ટરો તેના પર નજર રાખી રહ્યા છે. જોકે હાલ તેની હાલત સ્થિર છે અને તેના સીવાય કોઈ બીજો મામલો હજુ સુધી સામે નથી આવ્યો.
કેરળમાં કેસ ઘટ્યા પરંતુ મોતનો આકડો ભયજનક
આપને જણાવી દઈએ કે આ વર્ષે મંકી ફિવરનો પહેલો કેસ નોંધાયો છે. આ બિમારી વાનરમાંથી ફેલાઈ છે. જોકે હાલ કેરેલામાં કોરોનાના કેસમાં સદંતર ઘટાડો આવ્યો છે. પરંતુ કેરળમાં છેલ્લા 24 કલાકમાં કેરળમાં મોતનો આકડો સૌથી વધારે છે. જેમા કુલ 627 લોકો છેલ્લા 24 કલાકમાં કેરળમાં મોત થયા છે.