ભારત સાથેના સંબંધોને વધુ તીવ્ર બનાવવાની ઇચ્છામાં અમેરિકાએ બુધવારે વિમાનવાહક જહાજો માટેની લડાકુ વિમાનની જરૂરિયાતોને પહોંચી વળવા ભારતને પોતાનું F/A - 18 વિમાનનું નેવલ વર્ઝન ભારતીય નૌસેનાને વેચવાની ઓફર કરી છે.
ભારત અને અમેરિકાની દોસ્તી મજબૂત થઈ રહી છે
અમેરિકાએ ભારતપણે ઓફર કર્યા લેટેસ્ટ F/A - 18 વિમાન
ભારતીય વિમાનવાહક જહાજો માટે જોઈએ છે વિમાનો
થોડા વર્ષો પહેલા, ભારતીય નૌસેનાએ હાલના INS વિક્રમાદિત્ય અને નિર્માણાધીન સ્વદેશી બે વિમાનવાહક જહાજો માટે નવા 57 નૌકા લડાકુ વિમાનો ખરીદવાની ઇચ્છા વ્યક્ત કરી હતી.
અમેરિકાએ કરી વિમાન વેચવાની ઓફર
સરકારી સૂત્રોએ ANI ને કહ્યું, " US વહીવટી તંત્રે 2 + 2 ડાયલોગ દરમિયાન બંને દેશોના સંરક્ષણ પ્રતિનિધિમંડળ વચ્ચેની બેઠકમાં સરકારી દરખાસ્તના ભાગ રૂપે ભારતીય નૌકાદળ ને તેના નૌકા લડાકુ વિમાન F/A - 18 વિમાન વેચવાની ઓફર કરી છે."
અહેવાલો અનુસાર, ભારતીય નૌકાદળ ને અમેરિકા દ્વારા માનવરહિત વિમાન 'સી ગાર્ડિયન' તેમ જ અન્ય ઘણી સિસ્ટમ્સ સહિત તેના F/A - 18 વિમાન ખરીદવાની ઓફર કરવામાં આવી છે.
ભારતીય નૌકાદળ કરી રહ્યું છે મૂલ્યાંકન
હાલમાં, ભારતીય નૌકાદળ તેની વર્તમાન અને ભાવિ આવશ્યકતાઓ માટે F/A - 18 વિમાન અને રાફેલ નેવી ફાઇટર વિમાનોનું મૂલ્યાંકન કરી રહી છે, કારણ કે તેનું હાલનું લડાકુ વિમાન આ દાયકાના અંત સુધીમાં અથવા આગામી દાયકાની શરૂઆતમાં રીટાયર્ડ થવા[ની સંભાવના છે.
અમેરિકી વહીવટી તંત્ર દ્વારા આપવામાં આવતું વિમાન ભારતીય એરફોર્સ ને 126 મીડીયમ મલ્ટિરોલ કોમ્બેટ એરક્રાફ્ટ MMRCA દિલ અંતર્ગત ઓફર કરાયેલા F/A - 18 વિમાન નું એક સુધારેલું સંસ્કરણ હોવાનું કહેવાય છે. માત્ર રાફેલ અને યુરોપિયન યુરોફાઇટર નેવીની જરૂરિયાતોને પહોંચી વળવા માટે સક્ષમ હોવાનું જણાયું હતું, અને અંતે ફ્રેન્ચ વિમાનની પસંદગી કરવામાં આવી હતી.
અમેરિકા ભારતને આપશે સાથ
રાફેલ અને F/A - 18 વિમાન બંને ભારતીય લશ્કર માટે INS વિક્રમાદિત્ય વિમાનવાહક જહાજ થી ઉડાન અને ઉતરાણ માટે પોતપોતાના લડાકુ વિમાનની ક્ષમતાઓનું પ્રદર્શન કરી રહ્યા છે. આ ઉપરાંત ચીન અને ભારત વચ્ચે ચાલી રહેલા તણાવની વચ્ચે અમેરિકાએ ભારતને સાથ આપવાનો વાયદો કર્યો છે, જેને તે ઘણી વાર કહી ચૂક્યું છે.