બે વર્ષના વિરામ બાદ ગુજરાત સરકારના રમતગમત અને સામાજિક ન્યાય અધિકારીતા વિભાગ દ્વારા આરોહણ અવરોહણ સ્પર્ધા યોજવામાં આવી હતી જેમાં 189 થી વધારે ખેલાડીઓએ ભાગ લીધો
ઈડરિયા ગઢ પર આરોહણ-અવરોહણ સ્પર્ધા
189 કરતા વધુ સ્પર્ધકોથી વાતાવરણ જીવંત
વિજેતા સ્પર્ધકો ફેબુઆરીમાં જૂનાગઢ જશે
સાબરકાંઠાના પ્રખ્યાત ઈડરિયા ગઢ ઉપર આજે ગુજરાત રાજ્ય રમત ગમત વિભાગ દ્વારા દ્વિતીય આરોહણ સ્પર્ધા યોજાઇ હતી જે અંતર્ગત 189 થી વધારે વિદ્યાર્થીઓ ભાગીદાર બન્યા હતા. જોકે કોરોના મહામારી અંતર્ગત કલમ 144લગાવાયેલી હોવા છતાં સાબરકાંઠાના ઇડરમાં મોટી સંખ્યામાં સ્થાનિકો હાજર રહી તંત્રના પ્રયાસને બિરદાવ્યો હતો.
'અમે ઈડરિયો ગઢ જીત્યા રે આનંદ ભયો' આ પંક્તિ આજે સાબરકાંઠાના ઇડરમાં પ્રખ્યાત થવા પામી છે જેમાં બે વર્ષના વિરામ બાદ આજે ગુજરાત સરકારના રમતગમત અને સામાજિક ન્યાય અધિકારીતા વિભાગ દ્વારા આરોહણ અવરોહણ સ્પર્ધા યોજવામાં આવી હતી જે અંતર્ગત 189 થી વધારે ખેલાડીઓએ આ સ્પર્ધામાં ભાગ લીધો હતો જે અંતર્ગત સાબરકાંઠા બનાસકાંઠા મહેસાણા પાટણ સહિત અન્ય જિલ્લાઓમાંથી પણ મોટી સંખ્યામાં ખેલાડીઓ હાજર રહ્યા હતા જો કે એક તરફ ઠંડી યથાવત હોવા છતાં ખેલાડીઓના ઉત્સાહ ને પગલે સમગ્ર સ્પર્ધા જીવંત બની રહી હતી સાથોસાથ સાબરકાંઠા જિલ્લા વહીવટી તંત્ર દ્વારા કલમ 144 લગાવાયેલા હોવા છતાં પૂર્વ મંજૂરી ના આધારે યોજાયેલા સમગ્ર સ્પર્ધામા ઇડરના શહેરીજનો સહિત મોટી સંખ્યામાં લોકો પણ હાજર રહ્યા હતા આ તબક્કે તમામ ભાગ લેનાર ખેલાડીઓએ પ્રતિવર્ષ સ્પર્ધા યોજાય તેવી રજૂઆત કરી હતી જો કે વહીવટી તંત્ર દ્વારા આ વર્ષે યોજાયેલી સ્પર્ધામાં દરેક વિજેતાને રોકડ રકમ સહિત પ્રમાણપત્ર અને આગામી સમયમાં નેશનલ કક્ષાએ જૂનાગઢ ખાતે આવનાર ફેબ્રુઆરી મહિનામાં આરોહણ સ્પર્ધા યોજાનાર છે ત્યારે યોજાયેલ સ્પર્ધામાં ભાગીદાર બનવાની તક ઈડર ગઢ થકી સંભવ બનવા જઈ રહી છે ત્યારે તંત્ર દ્વારા પણ સમગ્ર મામલે હર્ષોલ્લાસ રજૂ કરાયો હતો.