અમેરિકા કોરોના વાયરસ સંકટના કારણે અનેક સમસ્યાઓનો સામનો કરી રહ્યું છે જેમાં બેરોજગારી ટ્રમ્પ સરકાર માટે સૌથી મોટો પડકાર છે. એવામાં અમેરિકાના નાગરિકોને વધુ રોજગારની તકો મળે તે માટે ટ્રમ્પ સરકાર અત્યારે H1B વિઝા સહિત બધા જ પ્રકારનાં એમ્પ્લોયમેન્ટ વિઝા રદ કરવા પર વિચાર કરી રહી છે. જો ટ્રમ્પ આ નિર્ણય લે તો હજારો ભારતીયો જે દરવર્ષે અમેરિકા જઈને કમાવવાના સપના જોવે છે તેમને જોરદાર ઝટકો લાગશે.
IITના મોટા ભાગના વિદ્યાર્થીઓ અમેરિકા જવાનું સપનું જોતા હોય છે
એમ્પ્લોયમેન્ટ વિઝા રદ કરવા પર વિચાર કરી રહ્યા છે ટ્રમ્પ
અત્યારે જેમની પાસે વિઝા છે તેમને કોઈ તકલીફ નહીં આવે
ટ્રમ્પ લેશે મોટો નિર્ણય !
ભારતમાં દર વર્ષે IITના મોટા ભાગના વિદ્યાર્થીઓ અમેરિકા જવાનું સપનું જોતા હોય છે. પરંતુ હવે લાગે છે કે આ સપનું પૂરૂ કરવા માટે મુશ્કેલીનો સામનો કરવો પડી શકે છે. અમેરિકાનાં રાષ્ટ્રપતિ ડોનાલ્ડ ટ્રમ્પ H1B વિઝા સહિત બધા જ પ્રકારનાં એમ્પ્લોયમેન્ટ વિઝા રદ કરવા પર વિચાર કરી રહ્યા છે. ધ વોલ સ્ટ્રીટ જર્નલના અહેવાલ અનુસાર અમેરિકામાં એવો પ્રસ્તાવ પસાર કરવામાં આવી શકે છે જેથી બહારથી કોઈ અમેરિકામાં આવીને કામ કરી શક્શે નહીં. જોકે અત્યારે જેમની પાસે વિઝા છે તેમને કોઈ તકલીફ નહીં આવે.
ભારતના હજારો IT પ્રોફેશનલ્સને જોરદાર ઝટકો
નોંધનીય છે કે ભારતની દિગ્ગજ કંપનીઓ જેવી કે ઇન્ફોસિસ અને વિપ્રો H1B વિઝાના માધ્યમથી જ પોતાના કર્મચારીઓને અમેરિકામાં ઓન-સાઈટ મોકલે છે. જો ડોનાલ્ડ ટ્રમ્પ આવો નિર્ણય લે છે તો ભારતના હજારો IT પ્રોફેશનલ્સને જોરદાર ઝટકો લાગશે. કોરોના વાયરસનાં કારણે પહેલેથી જ લાખો ભારતીયો પાસે નોકરી નથી.
અમેરિકાનાં નાગરિકોને જોબ ગેરંટી માટે આ પ્રસ્તાવ તૈયાર કરવામાં આવ્યો
ટ્રમ્પ સરકાર પાસે જે પ્રસ્તાવ છે તેના પર સરકારનું માનવું છે કે કોરોના મહામારીમાં સરકારની ઈચ્છા છે કે અન્ય દેશના લોકો સંક્રમિત ન થયા ત્યારે અહેવાલમાં કહેવામાં આવ્યું છે કે આ નિર્ણયનો ઉદ્દેશ અમેરિકાનાં નાગરિકોને રોજગાર આપવાનો જ છે. અમેરિકાનાં નાગરિકોને જોબ ગેરંટી માટે આ પ્રસ્તાવ તૈયાર કરવામાં આવ્યો હતો. જોકે હજુ સુધી આ પ્રસ્તાવ પર કોઈ નિર્ણય લેવામાં આવ્યો નથી ત્યારે આ મામલે વ્હાઈટ હાઉસના પ્રવક્તા Hogan Gidleyએ કહ્યું કે સરકાર આ નિર્ણયની અસર પર વિચાર કરી રહી છે.