દુઃખદ / લૉકડાઉનમાં આનાથી વધારે દર્દનાક કહાની નહીં સાંભળી હોય, ભગવાન કરે આવા દિવસો ક્યારેય ન આવે

• કાળજુ કંપાવી દેશે આ ઘટના
• લૉકડાઉનમાં 8 મહિનાની ગર્ભવતી મહિલા ચાલી 200 કિમી
• ગામ પહોંચતાં જ કરાવ્યું ચેકઅપ

ભારતમાં લોકડાઉન દરમ્યાન કામદારોની પલાયનની તસવીરોએ આખા દેશને હચમચાવી નાખ્યો હતો. તેમાં 8 મહિનાની સગર્ભા મજૂર પણ શામેલ છે. જે નોઇડાથી તેમના ગામ જાલોન માટે પતિ સાથે નીકળી હતી. આ દરમિયાન તેને પેટમાં ભારે દુખાવો થયો હતો. તે રવિવારે જાલોનના આન્તા ગામ પહોંચી હતી, અને તેના જ લોકોને જોઈને તે રડી પડી હતી. તેણે કહ્યું કે તે 200 કિમી ચાલીને આવી છે.

2 દિવસ 2 રાત સુધી સતત ચાલતી રહી

મહિલા અને તેના પતિ નોઈડામાં છેલ્લા 5 વર્ષમાં કન્સ્ટ્રક્શન સાઈટ પર કામ કરી રહ્યા છે. 8 મહિનાની મહિલા 2 દિવસ અને 2 રાત સુધી ચાલીને ગામ પહોંચી. પતિ તેને સામુદાયિક સ્વાસ્થ્ય કેન્દ્ર લઈ ગયો અને ચેકઅપ કરાવ્યું. ડોક્ટરોએ થર્મલ સ્ક્રીનિંગ કર્યું અને તેઓએ તેમને સ્વસ્થ જાહેર કર્યા. તેમ છતાં તેમને 14 દિવસના હોમ ક્વોરેન્ટાઈનમાં રાખવામાં આવશે. 

ઉરઈથી રાઠ માટે મળ્યું હતું એક લોડર

નોઈડાથી નીકળેલું આ કપલ 200 કિમી ચાલીને ઉરઈ પહોંચ્યું ત્યારે અહીં એક લોડર મળ્યું અને તેમાં તે રાઠ પહોંચ્યું. સાસરિયાએ પણ વહુના આવવાથી રાહત અનુભવી. તેઓ સતત ફોન પર સંપર્કમાં હતા અને તેમના સ્વસ્થ આવવાની રાહ જોઈ રહ્યા હતા. 

હાઈવે પર લોકોએ કરી મદદ

હું મારા આવવાના બાળકને લઈને ચિંતિત હતી પણ હવે ગામમાં આવીને ખુશ છું. અમને રૂપિયા મળવામાં મોડું થયું માટે અમે પહેલાં આવી શક્યા નહીં. દંપતિ નોઈડાથી પુરી શાક લઈને નીકળ્યું હતું. ત્યારે 25 તારીખે રાતે ખાધું હતું. હાઈવે પર લોકોએ જે આપ્યું તેનાથી કામ ચલાવી લીધું હતું.