ગુજરાત હાઈકોર્ટ દ્વારા આજે સુઓમોટો અરજી પર ચુકાદો આપવામાં આવ્યો. હાઈકોર્ટે સરકારને આદેશ આપ્યા કે રાજ્યમાં હેલ્થ ઈન્ફ્રાસ્ટ્રકચર વધારવામાં આવે, સાથેજ લોકો માસ્ક પ્રત્યે જાગૃત થાય તેવો પણ હાઈકોર્ટે આદેશ આપ્યા છે.
હાઈકોર્ટનો સુઓમોટો અરજી પર ચુકાદો
સરકારને હેલ્થ ઈન્ફ્રાસ્ટ્રક્ચર વધારવા આદેશ
દિવ્યાંગોને ડોર ટુ ડોર વેક્સિન આપવા આદેશ
ગુજરાતમાં કોરોનાની બીજી લહેર ઘણી ઘાતક સાબિત થઈ હતી જેને ધ્યાનમાં રાખીને ગુજરાત હાઈકોર્ટ દ્વારા આજે સુઓમોટો અરજી પર ચુકાદો આપવામાં આવ્યો છે. ગુજરાત હાઈકોર્ટ દ્વારા સરકારને આદેશ આપવામાં આવ્યા છે કે સરકાર રસીકરણથી લઈને હેલ્થ ઈન્ફ્રાસ્ટ્રક્ચર વધારે. જેથી ત્રીજી લહેર વખતે લોકોને પુરતી સગવડો મળી રહે.
માસ્ક બાબતે ગંભીર થવા આદેશ
હાઈકોર્ટ દ્વારા લોકોને માસ્ક બાબતે ગંભીર થવા તેમજ વેક્સિન લેવા માટે આદેશ આપવામાં આવ્યા છે. હાઈકોર્ટ દ્વારા એવું પણ કહેવામાં આવ્યું કે કોરોનાને આપણે જેવો માનીએ છે તેઓ નથી. સાથેજ કોર્ટે કહ્યું કે કોરોનાને લઈને સરકાર અને લોકો હવે ગંભીર બને. ઉપરાંત રાજ્ય સરકારને સલાહ આપી કે તેઓ વેક્સિનેશન પર વધારે ધ્યાન આપે.
દિવ્યાંગોને ડોર ટું ડોર વેક્સિન
વઘુંમાં હાઈકોર્ટે એવું પણ કહ્યું સરકાર દ્વારા 18 વર્ષી નીચેના બાળકોની હવે ચિંતા કરવામાં આવે, અને RTPCR ટેસ્ટ ઉપર પણ ધ્યાન આપવા રાજ્ય સરકારને ટકોર કરી છે. સાથેજ કોર્ટ દ્વારા એવું કહેવામાં આવ્યું કે સરકાર દિવ્યાંગોને ડોર ટું ડોર વેક્સિન આપવા ખાસ વ્યવસ્થા કરાવે. જોકે સમગ્ર મામલે હાઈકોર્ટે ત્રીજી લહેરમાં બાળકોનું ધ્યાન રાખવા માટે સરકારને ખાસ ટકોર કરવામાં આવી છે.
વેક્સિનની જાગૃતી પર ભાર
હાઈકોર્ટ દ્વારા એવું પણ કહેવામાં આવ્યું કે વેક્સિન મુદ્દે જાગૃતતાનો અભાવ છે. જેથી સરકાર ખાસ કરીને ગામડાઓમાં વેક્સિનનેશન પર અને વેક્સિનની જાગૃતી પર ભાર મુકે તેવા તેમણે આદેશ કર્યા છે. કારણકે ક્યાંકને ક્યાંક લોકો હજુ પણ વેક્સિનને લઈને જાગૃત નથી.
ઓક્સિજન પ્લાન્ટ તૈયાર કરવા ભાર
ઉલ્લેખનીય છે કે સમગ્ર મામલે હાઈકોર્ટ દ્વારા આદેશ આપવામાં આવ્યા છે, કે રાજ્ય સરકાર દ્વારા ઓક્સિજન પ્લાન્ટ તૈયાર કરવામાં આવે. સાથેજ હોસ્પિટલોમાં તબીબો, નર્સ અને મેડડિલ સ્ટાફની અછત ન સર્જાય તે માટે પણ સરકાર પૂરી વ્યવસ્થા કરીને રાખે.