યુક્રેન યુદ્ધની વચ્ચે સુપર પાવર અમેરિકાએ બે મોટા નિર્ણય લઈને રશિયા અને બેલારુસને ચોંકાવી દીધા છે.
યુદ્ધની વચ્ચે અમેરિકાનો મોટો નિર્ણય
બેલારુસ દૂતાવાસ કર્યું બંધ
રશિયન રાજધાની મોસ્કોમાંથી પોતાના લોકોને પાછા બોલાવ્યાં
યુક્રેન યુદ્ધની વચ્ચે અમેરિકાએ રશિયા અને બેલારુસમાં એક મોટી કાર્યવાહી કરી છે. અમેરિકી વિદેશ વિભાગે બેલારુસ દુતાવાસ બંધ કરવાની તથા મોસ્કોમાં રહેલા તેના લોકો તથા રાજદ્વારીઓને પાછા બોલાવવાની જાહેરાત કરી છે.
US Dept of State suspends operations at US Embassy Minsk, Belarus and authorized the “voluntary” departure of non-emergency staff & family in Moscow, Russia pic.twitter.com/7RNxE68Kjj
અમેરિકાએ બેલારુસમાં દુતાવાસ કર્યું બંધ
યુક્રેન અને રશિયામાં ચાલી રહેલા યુદ્ધ વચ્ચે અમેરિકાએ બેલારુસમાં પોતાનું દૂતાવાસ બંધ કરી દીધું છે. વાસ્તવમાં માનવામાં આવી રહ્યું છે કે રશિયા બેલારુસમાં પરમાણુ હથિયારો તૈનાત કરી શકે છે. યુરોપિયન યુનિયને પણ બેલારુસ અંગે એલર્ટ જાહેર કર્યું છે.
મોસ્કોમાં તેના નાગરિકો અને રાજદ્વારીઓને પાછા બોલાવ્યાં
બેલારુસ દુતાવાસ બંધ કરવાની જાહેરાત સાથે અમેરિકાએ રશિયાની રાજધાની મોસ્કોમાં રહેલા તેના નાગરિકો અને રાજદ્વારીઓને પાછા આવતા રહેવાનો નિર્દેશ આપી દીધો છે.
State Department shutters US embassy in Belarus, authorizes American diplomats in Russia to leave, reports AP
રશિયાના આક્રમણને અયોગ્ય માનનાર દુનિયાના 28 દેશોએ નાની મોટી મદદ પુરી પાડીને યુક્રેનનું એકલું રહેવા દીધું નથી. દુનિયાના દેશોએ થાય તેટલી મદદ યુક્રેનને કરી છે. રશિયા અને યુક્રેન વચ્ચેના યુદ્ધનો આજે પાંચમો દિવસ છે. યુક્રેન પર થયેલા હુમલાને લઈને પશ્ચિમી દેશોએ રશિયન વિમાનો માટે પોતાની એરસ્પેસ બંધ કરી દીધી છે. યુરોપિયન યુનિયને રવિવારે રશિયન વિમાનો માટે એરસ્પેસ બંધ કરવાની જાહેરાત કરી હતી. યુરોપિયન યુનિયન ઉપરાંત કેનેડાએ પણ રશિયા માટે પોતાની એરસ્પેસ બંધ કરી દીધી છે.
રશિયન વિમાનો માટે યુરોપિયન યુનિયને એરસ્પેસ કર્યું બંધ
યુરોપિયન યુનિયનના પ્રમુખ ઉર્સુલા વોન ડેર લેયેને જણાવ્યું હતું કે રશિયન વિમાનો માટે યુરોપિયન યુનિયનનું એરસ્પેસ બંધ કરી દેવામાં આવ્યું છે. જેમાં રશિયન વિમાનો, રશિયન-રજિસ્ટર્ડ એરક્રાફ્ટ અને રશિયન અંકુશિત વિમાનોનો સમાવેશ થાય છે. આ પ્રતિબંધ ખાનગી જેટ પર પણ લાગુ થશે. યુરોપિયન યુનિયનમાં ૨૭ દેશો છે.