મોટો નિર્ણય / અમેરિકાનો માસ્ટર પ્લાન: ISIS સામે લડવા બાઈડન સરકાર લેશે આ મોટુ પગલું, આતંકીઓનો કરશે ખાત્મો

• ISIS સામે અમેરિકાનો માસ્ટર પ્લાન 
• તાલિબાન સાથે અમેરિકા મિલાવી શકે છે હાથ 
• બાઈડન સરકાર ટૂંક સમયમાં લેશે મોટા નિર્ણય 

અફઘાનિસ્તાનમાંથી અમેરિકાએ ભલે વિદાય લઈ લીધી હોય પરંતુ બાઈડન સરકાર હવે આંતકીઓ સામે એક માસ્ટર પ્લાન તૈયાર કરી રહી છે. જેમા ખાસ કરીને આતંકી સંગઠન આઈએસ-ખુરાસાન તેમના ટાર્ગેટ પર છે.

તાલિબાન અમેરિકાની મદદ કરશે 

આપને જણાવી દઈએ કે અમેરિકા પહેલા કરતા વધારે તાકતવર બનીને આઈએસ ખુરાસાન પર વાર કરી શકે છે. જેમા તાલિબાન તેમની મદદ કરી શકે છે. પેંટાગનના ટોપ અધિકારીઓની વાત માનીએ તો બાઈડન સરકાર હવે ISIS સામે લડવા માટે હવે તાલિબાનનો સહયોગ લેવાનું વિચારી રહ્યું છે. 

ISIS સામે લડવા અમેરિકાનો માસ્ટર પ્લાન 

પેંટાગનના ટોપના અધિકારીએ બુધવારે જણાવ્યું કે અમેરિકાની સેના અફઘાનિસ્તાનમાં આંતકી સંગઠન ISIS સામે લડવા તાલિબાન સાથે વાતચીત કરવાનું વીચારી રહ્યું છે. આ મામલે સેના અધ્યક્ષ જનરલ માર્કને જ્યારે એવું પુછવામાં આવ્યું કે આતંકીઓ સામે લડવા તમે તાલિબાનની મદદ લેશો ત્યારે તેમણે પણ જવાબમાં એવું કહ્યું હતું કે સંભવ છે કે તેમને મદદ લેવી પણ પડે.

તાલિબાન બદલાશે કે નહી તે જોવાનું બાકી : અમેરિકા 

વધુમાં તેમણે કહ્યું કે અફઘાનિસ્તાનમાં ભવિષ્યમાં આતંકી હુમલાઓ થાય તો તેમણે પછી તાલિબાના સાથે કામ કરીને આંતકવાદ સામે લડવું પડશે. જોકે તેમણે તાલિબાન વીશે એવું કહ્યું કે તે એક ક્રુર સંગઠન છે તેઓ બદલાય છે કે નહી તે પણ જોવાનું બાકી છે. 

48 કલાકમાં બે વાર અમેરિકાનો હુમલો 

ઉલ્લેખનીય છે કે કાબુલમાં થયેલા બોમ્બ બ્લાસ્ટમાં 13 અમેરિકાના સૈનિકો માર્યા ગયા હતા. જેમા વળતા જવાબમાં અમેરિકાએ માત્ર 48 કલાકમાં બે વખત ISIS પર હુમલો કર્યો હતો. જેમા તેમણે આતંકીઓના ઠેકાણા પર એરસ્ટ્રાઈક પણ કરી હતી. જોકે હવે અમેરિકા ISIS સામે લડવા તાલીબાન સાથે હાથ મિલાવી શકે છે તેવી સંભવના સેવાઈ રહી છે.