કચ્છઃ ભુજ એરપોર્ટ પરથી સેટેલાઇટ ફોન સાથે ઝડપાયેલ અમેરિકન પ્રવાસીની પૂછપરછ પૂર્ણ થઇ છે. વિવિધ એજન્સીઓએ કરેલી પૂછપરછમાં કંઇ વાંધાજનક બહાર આવ્યું નથી. પોલીસ દ્વારા સેટેલાઇટ ફોન FSLમાં મોકલાશે.
ફોનનો ઉપયોગ ક્યાં અને કયારે કરાયો તેનો રિપોર્ટ મંગાવાશે. પ્રવાસીનું ભૂલથી સામાન સાથે ફોન આવ્યા હોવાનું રટણ હતું. પ્રવાસીની પૂછપરછમાં કોઇ ગંભીર બાબત જણાઇ નથી. પ્રવાસી નવી ડિમોન્ડે પરત અમેરીકા જઇ શકશે.
પોતાની સાથે ભૂલથી સેટેલાઈટ ફોન લાવીને ભુજ એરપોર્ટ પર ઝડપાઈ ગયેલાં અમેરીકન પ્રવાસી નવીનચંદ્ર ડિમોન્ડની વિવિધ એજન્સીઓએ કરેલી પૂછતાછમાં કશું વાંધાનજક બહાર આવ્યું નથી. જો કે પોલીસે નવીનનો સેટેલાઈટ ફોન જપ્ત કરી ફોરેન્સિક સાયન્સ લેબોરેટરીમાં મોકલવા નિર્ણય કર્યો છે.
એફએસએલના રીપોર્ટમાં ફોનનો ક્યારે અને ક્યાં વપરાશ થયો છે તે સહિતની વિગતોનો વિસ્તૃત અહેવાલ મંગાવાશે. આ અહેવાલ પર ભાવિ કાયદેસર કાર્યવાહીનો મદાર રહેશે. સુરક્ષા એજન્સીઓની પૂછપરછમાં નવીન ડિમોન્ડે સતત એક જ વાતનું રટણ કર્યું હતું કે તે સેટેલાઈટ ફોન ભૂલથી તેમના સામાનમાં સાથે લાવ્યાં છે.
તેમણે તેનો ઉપયોગ કર્યો નથી. ડિમોન્ડની વિવિધ રીતે થયેલી પૂછપરછમાં કંઇ ગંભીર બાબત પ્રકાશમાં ન આવતાં પોલીસે ડિમોન્ડ વિરૂધ્ધ હાલ વધુ કોઈ કાર્યવાહી નહીં કરવાનું નક્કી કર્યું છે. એસઓજી એ નવીન વિરૂધ્ધ સામાન્ય એન.સી. કેસ કર્યો છે. પૂછતાછ પૂરી થઈ ગઈ હોઈ હવે તે ગમે ત્યાં જઈ શકે છે. ત્યારબાદ તે અમેરીકા પરત જઈ શકે છે. તેમની વિરૂધ્ધ એનસી કેસ હોઈ ભાવિ કાયદાકીય કાર્યવાહી તેમની ગેરહાજરીમાં તેમનો વકીલ પણ તેમના વતી કરી શકશે.