OMG / લૉકડાઉનના કારણે વિદ્યાર્થી 48 દિવસે પહોંચ્યો ઘરે, પુત્રને જોઇને માતા-પિતાની આંખો છલકાઇ

• 2000 કિલોમીટર લાંબો પ્રવાસ ખેડ્યો
• માતા-પિતાની આવતી હતી યાદ
• 20 વર્ષના છોકરાએ બતાવ્યુ અદભૂત સાહસ

2000 કિમી લાંબી સફર

કેટલાક લોકોએ તો પોતાના સાધન વડે એટલા કિલોમિટર કાપી નાંખ્યા હોય છે કે આપણને જાણીને અચરજ પમાડે. સ્કોટલેન્ડમાં રહેનાર એક વિદ્યાર્થીને તેના માતા પિતા એટલા યાદ આવ્યા કે તેણે સાયકલ પર 2000 કિલોમીટરનો પ્રવાસ ખેડી નાંખ્યો. 48 દિવસમાં સાઇકલ ચલાવીને પોતાના માતા પિતા પાસે પહોંચ્યો હતો. માતા પિતા પણ દિકરાને તેમની આંખોની સામે જોઇને આંસુ સારવા લાગ્યા હતા. આ વિદ્યાર્થીનું નામ ક્લેન પાપાદિમિત્રીઉ છે અને તે સ્કોટલેન્ડમાં ભણે છે. 

20 વર્ષનો ક્લેન એન્જીનીયરીંગ કરે છે અને કોરોના વાયરસના કારણે કોલેજ અને ભણવાનું બંધ છે. અભ્યાસ ચાલુ ન હોવાને કારણે તેની પાસે સમય જ સમય હતો જેથી તેણે પોતાના ઘરે જવાનું વિચારી લીધું. પોતાની સાઇકલ લઇને તે કોરોનાગ્રસ્ત યુરોપની બહાર જતો રહ્યો. 

બાદમાં ક્લેને પોતાના પ્રવાસ માટેની તૈયારી શરૂ કરી દીધી, જેમાં તેણે પાવર બેંક, કપડા, વિંડબ્રેકર, એક તંબૂ, અને પુસ્તક સાથે લીધું. ક્લેન ક્યારેય પુસ્તક વગર બહાર નથી જતો. 

પહેલા દિવસે જ્યારે તે સાઇકલ લઇને નીકળ્યો અને અમુક કિમી આગળ ગયો ત્યારે તેને પોતાના આ નિર્ણય પર પસ્તાવો થયો કારણકે તેના માતા પિતાને તે નહોતી ખબર કે પોતાનો પુત્ર ક્યાં છે. 

રાત્રે ક્યાં રોકાવું 

પ્રવાસ શરૂ કર્યા બાદ ક્લેનને ચિંતા થઇ કે તે રાત્રે ક્યાં રોકાશે, ત્યારે એક પિઝ્ઝા ડિલીવરી કરવાવાળા માણસને પૂછ્યું કે એ રાત્રે ક્યાં રોકાય છે, ત્યારે તેને એક જગ્યા મળી જ્યાં તે રાત્રે સૂઇ ગયો. આ પ્રવાસ દરમિયાન 20 વર્ષના ક્લેનને ઘણી બધી વસ્તુઓ શીખવા મળી જે તેણે ક્યારેય અનુભવી નહોતી. 

ક્લેનનો પહેલો દિવસ ખૂબ જ મુશ્કેલ રહ્યો, તેણે એક દિવસમાં 125 મીલનું અંતર કાપ્યું હતું. તેણે નક્કી કર્યુ કે આ રીતે આગળ વધતો રહેશે તો જલ્દી જ તેના ઘરે પહોંચી જશે. 

46 દિવસ બાદ પહોંચ્યો ગ્રીસ

ક્લેન 46 દિવસે ગ્રીસ પહોંચ્યો અને ત્યાં પૈટ્રાસમાં તેના માતા પિતા સાથે મુલાકાત કરી. બાદમાં કોરોનાનો ટેસ્ટ કરાવ્યો જે નેગેટીવ આવ્યો. 27 જૂને તે તેના ઘરે એથેન્સ પહોંચ્યો હતો. ક્લેનને પહેલીવાર ખબર પડી કે તેનું મનોબળ આટલુ મજબૂત છે.