અમેરિકાના રાષ્ટ્રપતિ ડોનાલ્ડ ટ્રમ્પ અમદાવાદમાં આવેલા મોટેરા સ્ટેડિયમનું ઈનોગ્રેશન કરશે તેવી ચર્ચાએ જોર પકડ્યુ છે. અમદાવાદમાં હાઉડી મોદી કાર્યક્રમ યોજવામાં આવે તેવી શક્યતા સેવાઈ રહી છે ત્યારે રોજે રોજ નવી નવી વાતો વહેતી થાય છે.
વિશ્વનું સૌથી મોટું સ્ટેડિયમ બનવા જઈ રહ્યુ છે મોટેરા સ્ટેડિયમ
મોટેરા સ્ટેડિયમનું લગભગ તમામ કામ થયુ છે પૂર્ણ
આ વખતની IPLની ફાઈનલ રમાય શકે છે મોટેરા સ્ટેડિયમમાં
અમેરિકાના રાષ્ટ્રપતિ ડોનાલ્ડ ટ્રમ્પ ફેબ્રુઆરી મહીનામાં ભારતની મુલાકાતે આવવાના છે. ત્યારે અમદાવાદમાં હાઉડી મોદી જેવો કાર્યક્રમ યોજાય તેવી શક્યતા છે. અમદાવાદના મોટેરામાં બની રહેલા મોટેરા સ્ટેડિયમમાં કાર્યક્રમ કરવામાં આવે તેવી શક્યતા છે.
અમદાવાદનું મોટેરા સ્ડેડિયમ વિશ્વનું સૌથી મોટું સ્ટેડિયમ બનશે. સવા લાખની ક્ષમતા ધરાવતા મોટેરા સ્ટેડિયમનું અમેરિકાના રાષ્ટ્રપતિ ડોનાલ્ડ ટમ્પ ઉદ્ઘાટન કરે તેવી શક્યતા છે. મોટેરા સ્ટેડિયમનું લગભગ તમામ કામ પૂર્ણ થયુ છે. ત્યારે હવે ફેબ્રુઆરી મહિનામાં કાર્યક્રમ યોજાઈ શકે છે. અમેરિકામાં નવેમ્બર મહિનામાં પ્રમુખની ચૂંટણી યોજાવવાની છે. ત્યારે અમેરિકામાં વસતા ભારતીયોના મત મેળવવા માટેના ટ્રમ્પ દ્વારા પ્રયાસ કરવામાં આવી રહ્યા છે.