અમેરિકાના રાષ્ટ્રપ્રમુખ ડોનાલ્ડ ટ્ર્મ્પે રવિવારે ઉત્તર કોરિયા અને સુપ્રીમ લીડર કિમ જોંગ ઉન સાથે અસૈન્ય ક્ષેત્રમાં મુલાકાત કરી છે. આ સાથે જ કિમ જોંગ ઉન સાથે ડોનાલ્ડ ટ્રમ્પે ઉત્તર કોરિયાની જમીન પર પગ મુક્યો. આ સાથે ડોનાલ્ડ ટ્રમ્પ પહેલા એવા અમેરિકી રાષ્ટ્રપ્રમુખ બની ગયા છ, જેમણે ઉત્તર કોરિયાની ધરતી પર પગ મુક્યો હોય.
આટલું જ નહીં, અમેરિકી રાષ્ટ્ર્પ્રમુખ ડોનાલ્ડ ટ્રમ્પે કિમ જોંગ ઉનને વ્હાઇટ હાઉસ આવવા આમંત્રણ પણ આપ્યું. આ દરમિયાન ટ્રમ્પે ઉત્તર કોરિયાના સુપ્રીમ લીડર કિમ જોંગ ઉનની પ્રશંસા પણ કરી. બંને નેતાઓએ વાતચીત કરી.
US President Donald Trump meets North Korean leader Kim Jong-un in Demilitarized zone between North Korea and South Korea. pic.twitter.com/lxp6zX9ju4
ડોનાલ્ડ ટ્રમ્પ અને કિમ જોંગ ઉને આ મુલાકાતને ઐતિહાસિક બતાવી છે. ટ્રમ્પે કહ્યું કે, ઉત્તર કોરિયાની ધરતી પર આવવું ગર્વની વાત છે. જ્યારે કિમ જોંગ ઉને કહ્યું કે, આ મુલાકાત ડોનાલ્ડ ટ્રમ્પ સાથે તેમના સારા સંબંધો દર્શાવે છે.
આપને જણાવીએ કે ગેર કાનૂની રીતે કોલસા લઇ જઇ રહેલા ઉત્તર કોરિયા માલવાહક જહાજને અમેરિકાએ સીઝ કર્યું હતું. તેના પર કિંગ જોંગ ઉને કડક વલણ દર્શાવ્યું હતું. ઉત્તર કોરિયાએ મિસાઇલ પરીક્ષણ પણ કર્યા હતા અને કિમ જોંગ ઉને પોતાની સેનાની મારક ક્ષમતા વધારવાનો નિર્દેશ પણ કર્યો હતો.
રવિવારે કિમ જોંગ ઉન સાથે મુલાકાત પહેલા ડોનાલ્ડ ટ્રમ્પે દક્ષિણ કોરિયાના રાષ્ટ્રપ્રમુખ મૂન જાએ-ઇન સાથે મળ્યા અને દ્વિપક્ષીય વાતચીત કરી હતી. અમેરિકાના રાષ્ટ્રપ્રમુખ ડોનાલ્ડ ટ્રમ્પ અને ઉત્તર કોરિયાના સુપ્રીમ લીડર કિમ જોંગ ઉન વચ્ચે પહેલીવાર સિંગાપુરમાં મુલાકાત થઇ હતી. ત્યારબાદ ડોનાલ્ડ ટ્રમ્પે કિમ જોંગ ઉનની પ્રશંસા કરી હતી. સાથે જ બંને દેશ વાર્તા દ્વારા તણાવ ઓછો કરવા અને સંબંધોને સુધારવા માટે સહમત થયા હતા.