આવકાર / 'કેમ છો ટ્રમ્પ' કાર્યક્રમ માટે અમદાવાદમાં તડામાર તૈયારીઓ, બોલિવુડની હસ્તીઓ કરશે સ્વાગત!

• રાષ્ટ્રપતિ ડોનાલ્ડ ટ્રમ્પના સ્વાગત માટે વિશેષ તૈયારીઓ
• સ્ટેડિયમના BU માટે અધિકારીઓની દોડધામ શરૂ
• મોટેરા વિસ્તાર નવા રંગરૂપથી સજવા માંડ્યો

અમેરિકાના રાષ્ટ્રપતિ ડોનાલ્ડ ટ્રમ્પની ગુજરાત મુલાકાતને લઇ તંત્ર અલર્ટ થઇ ગયું છે. અમદાવાદમાં હાઉડી મોદી જેવા કાર્યક્રમનું આયોજન કરવામાં આવશે. મોટેરા સ્ટેડિયમમાં કેમ છો ટ્રમ્પ કાર્યક્રમની શક્યતા સેવાઇ રહી છે. 

સજ્જડ સરજામ

તો તંત્ર દ્વારા મોટેરા સ્ટેડિયમ આસપાસ રહેતા લોકોની નોંધણી શરૂ કરવામાં આવી છે. લોકોના નામ, સરનામા અને ફોન નંબરની વિગતની નોંધણી શરૂ કરી દેવામાં આવી છે. સાથે જ સ્ટેડિયમના મેઇન ગેટથી અચેર સુધીના વિસ્તારમાં ચેકિંગ પણ શરૂ કરી દેવાયું છે. જોકે હજુ ટ્રમ્પના ગુજરાત કાર્યક્રમની સત્તાવાર જાહેરાત થઇ નથી. સપ્તાહના અંત સુધીમાં સત્તાવાર જાહેરાત થઇ શકે છે. આગામી 24 કે 25 ફેબ્રુઆરીએ ટ્રમ્પ ગુજરાતના પ્રવાસે આવી શકે છે. તો કાર્યક્રમ ફાઇનલ થયા બાદ NSG સ્ટેડિયમનો કબજો મેળવશે.

બોલિવુડના સેલેબ્સના યોજાશે પ્રોગ્રામ

અમદાવાદમામ મોટેરા સ્ટેડિયમમાં ટ્રમ્પના સીધા ઉતરાણી સંભવાના સેવાઈ રહી છે. વળી તેમના સ્વાગત માટે બોલિવુડ સેલેબ્સનો સહારો લેવામાં આવે તેવી પણ ચર્ચા છે. જો કે આ અંગે હજુ સત્તાવાર રીતે કોઈ જાહેરાત કરવામાં આવી નથી.