અમેરિકન પોકર પ્લેયર અને પ્લેબૉય મિલિયનેયર ડેન બિલ્ઝેરિયન પોતાની શાનદાર લાઇફસ્ટાઇલને લઇને સતત ચર્ચામાં રહે છે અને સોશ્યલ મીડિયા પર લાખોની સંખ્યમાં લોકો તેણે ફૉલો કરે છે.
ડેન બિલ્ઝેરિયન પોતાની પ્રોડક્ટ્સ લોન્ચિંગ કરવા માટે તાજેતરમાં ભારત આવ્યો હતો. ડેન બિલ્ઝેરિયને ભારતના સૌથી મોટા પોકર ઇવેન્ટ ઇન્ડિયા પોકર ચેમ્પિયનશિપમાં ભાગ લીધો હતો અને તેણે મુંબઇના રસ્તા પર ફરતો સ્પોર્ટ કરવામાં આવ્યો હતો.
ડેન બિલ્ઝેરિયન સફેટ ટી-શર્ટ અને શોર્ટ્સમાં મુંબઇના રસ્તા પર ફરતો જોવા મળ્યો હતો, પરંતુ તેની ઘડિયાળ સતત ચર્ચામાં રહી. ડેન બિલ્ઝેરિયને એટલી મોંઘી ઘડિયાળ પહેરી હતી કે એટલામાં ભારતમાં એક નવું ઘર અને કાર આવી જાય. સોશ્યલ મીડિયા પર ડેન બિલ્ઝેરિયન ફોટોઝ વાયરલ થયા અને ઘડિયાળ ચર્ચાનો વિષય બની.
ડેન બિલ્ઝેરિયને જે ઘડિયાળ પહેરી હતી, તેનું નામ Richard Mille RM11-03 છે, જેની કિંમત 191,500 ડૉલર (1.36 કરોડ રૂપિયા) છે. તમને જણાવી દઇએ કે, ડેન બિલ્ઝેરિયન 150 મિલિયન ડૉલરનો માલિક છે.
જો તમે વિચારી રહ્યા છો કે આ ઘડિયાળમાં એવું તો શું ખાસ છે તો તેની કિંમત કરોડો રૂપિયામાં છે. આ ઘડિયાળને McLaren ના એન્જિનિયર્સ અને ડિઝાઇનર્સે તૈયાર કરી છે. આ ઘડિયાળને ગત વર્ષના જિનેવા ઇન્ટરનેશનલ મોટર શોમાં લોન્ચ કરવામાં આવી હતી. કંપનીએ માત્ર 500 ઘડિયાળ બનાવી હતી. તમને જણાવી દઇએ કે, આ ઘડિયાળમાં ટાઇટેનિયમ પુશર્સ લાગેલા છે, જે McLaren 720S ની કાર હેડલાઇટ્સ જેવી દેખાય છે એટલુ જ નહી ઘડિયાળમાં 5 ટાઇટેનિયમ ક્રાઉન લાગેલા છે, જે McLaren કારના વ્હીલમાં લાગેલા હોય છે.