VTV વિશેષ / અમેરિકામાં ટ્રમ્પ ભારતીયોના સહારે ચુંટણી જીતી જશે એ તમારો ભ્રમ છે! જાણો ચોંકાવનારૂ તારણ

પરંતુ અમેરિકાની હાલની પરિસ્થીતીની જો વાત કરીયે તો પરિસ્થીતી વિપરીત છે. તો જાણીયે કે, અમેરિકામાં વસતા ભારતીયોની આંકડાકીય માહીતી સાથેની ચુંટણીની વિગતો..

26 લાખ 20 હજાર ભારતીયો અમેરિકી નાગરિક

અમેરિકામાં કુલ મતદાનના માત્ર 1 ટકા જ મતદાતાઓ ભારતીય છે. વર્ષ 2018ની અમેરિકી સરકારની ગણતરી મુજબ અહીં કુલ 41 લાખ 60 હજાર ભારતીયો વસે છે. જેમાંથી માત્ર 26 લાખ 20 હજાર ભારતીયો અમેરિકી નાગરિક છે બાકીના નોકરી કરવા અથવા વિદ્યાર્થીઓ છે. આ 26 લાખ 20 હજાર માંથી પણ માત્ર 10 લાખ 90 હજાર લોકો જ મતદાનનો અધીકાર ધરાવે છે. એટલે કે અમેરિકાના કુલ મતદાનના માત્ર 1 ટકા લોકો જ મતદાતા છે.

11 લાખ જેટલા મતદાતાઓ મુખ્ય 5 રાજ્યમાં

અમેરિકામાં વસતા આ 11 લાખ જેટલા મતદાતાઓ મુખ્ય 5 રાજ્યમાં વસે છે, તેમાં ન્યુયોર્ક , ન્યુજર્સી, ઇલીનોઇસ, કેલીફોર્નીયા અને ટેક્સાસ નો સમાવેશ થાય છે. આ 5 રાજ્યમાંથી ટેક્સાસને બાદ કરતા બાકીના 4 રાજ્ય બ્લુ સ્ટેટ એટલે કે, ડેમોક્રેટીક પાર્ટીનો ગઢ છે. તો કુલ આંકડાની વાત કરીયે તો, આ 4 રાજ્યમાં વસતા તમામ ભારતીયો જો ટ્રમ્પને વોટીંગ કરે તો પણ કોઇ ફરક પડે તેમ નથી.

કુલ 538 સીટ પૈકી માત્ર 4 સીટ જ ભારતીય મૂળના લોકો ઉમેદવાર

ભારતીય મીડીયામાં રોજ-બરોજ અમેરિકી ચુંટણી અંગેના અહેવાલ વિસ્તૃત રીતે આવે છે પરંતુ તેમાં માત્ર ટ્રમ્પ સાથે ભારતીયો હોવાની વાતો જણાવવામાં આવે છે, તેનું મુખ્ય 2 કારણ છે. જે રીતે અગાઉ વડાપ્રધાન નરેન્દ્ર મોદી અને ડોનાલ્ડ ટ્રમ્પ વચ્ચેના બે પ્રોગ્રામ થયા તેને લઇને લોકોમાં એક હાઉ ઉભો થયો છે. એટલુ જ નહીં, અગાઉ બ્રીટનમાં યોજાયેલ ચુંટણીમાં પણ જે રીતે ઓવરસીઝ બીજેપી દ્વારા ત્યાં વસતા ભારતીયો વચ્ચે ત્યાંની ચુંટણીમાં ઉભેલા 23 ભારતીય ઉમેદવારો માટે સતત કેમ્પેઇન કર્યુ  હતુ.  જો કે, અમેરિકામાં આ પરિસ્થીતી તદ્દન વિપરીત છે. અહીં, કુલ 538 સીટ પૈકી માત્ર 4 સીટ જ ભારતીય મૂળના લોકો ઉમેદવાર છે. અને તેમાં પણ એક તો કમલા હેરીસન છે.

ભારતીયોમાં પહેલેથી જ ડેમોક્રેટીક પાર્ટી પ્રત્યે ઝુકાવ વધારે

એટલુ જ નહીં, અહીં છેલ્લા 100 વર્ષથી વધારે સમયથી વસતા ભારતીયોમાં પહેલેથી જ ડેમોક્રેટીક પાર્ટી પ્રત્યે ઝુકાવ વધારે છે. આ ઉપરાંત અહીં વસતા ભારતીયો પૈકી મોટાભાગના લોકો ધંધાકીય પ્રવૃત્તિ સાથે સંકળાયેલા છે. એટલે તેઓ હાલ કોરોના વાયરસ બાદ અમેરિકામાં વ્યાપેલી મંદીને લઇને ચિંતીત છે. અને તેઓ માત્રને માત્ર આવનાર સરકાર પાસે હાલ પ્રર્વતેલી આર્થીક કટોકટીની પરિસ્થીતીમાં સુધાર ઇચ્છે છે. એટલુ જ નહીં નવી સરકાર ટેક્સ માં કેટલીક રાહત આપે તેવી પણ આશા રાખે છે.

ડોનાલ્ડ ટ્રમ્પ સાથે અમેરિકી ભારતીય હોવાના દાવાઓ પોકળ

જે રીતે હાઉ-ડી મોદી અને કેમ છો ટ્રમ્પ કાર્યક્રમ બાદ મોટાભાગના મીડીયામાં ડોનાલ્ડ ટ્રમ્પ સાથે અમેરિકી ભારતીય હોવાના દાવાઓ કરવામાં આવી રહ્યા છે, તે પોકળ છે. જે રીતે આંકડા આવી રહ્યા છે. તેને જોતા જો તમામ ભારતીય મતદાતાઓ ડોનાલ્ડ ટ્રમ્પને વોટીંગ કરે, તો પણ કોઇ વધારે અસર પડે તેવી શક્યતાઓ નથી. તેમ છતા પણ ડેમોક્રેટીક પાર્ટી દ્વારા સતત ભારતીયોના સંપર્ક કરીને તેમને રીઝવવા માટેના પ્રયત્નો કરવામાં આવી રહ્યા છે. જ્યારે બીજી તરફ ટ્રમ્પની પાર્ટી રીપબ્લીકન દ્વારા તેવો કોઇ પ્રયાસ નથી કરાતો. અને એટલે જ કદાચ ડેમોક્રેટીક પાર્ટી દ્વારા આફ્રો-અમેરિકન અને ઇન્ડીયન-અમેરિકન બ્રીડના ગણાતા કમલા હેરીસને ઉપ રાષ્ટ્રપતિ પદ માટે જાહેર કર્યા છે.

- નીરવ ગોવાણી VTV ન્યુઝ શિકાગો