અમેરિકા જવાનું સપનું જોતા અને અમેરિકામાં નોકરી ઈચ્છુક લોકો માટે ખરાબ સમાચાર છે. કારણ છે કે અમેરિકાએ વિદેશી કામદારોને ચેતવણી આપતા કહ્યું છે કે એકથી વધારે વીઝા અરજીનો સ્વિકાર કરવામાં નહીં આવે. ઉલ્લેખનીય છે ભારતીય લોકો માટે H-1 B વિઝા ઘણા લોકપ્રિય છે.
પરંતુ જો અમેરિકા આ વિઝઆના નિયમો કડક કરે તો સૌથી વધારે ભારતીય લોકો પ્રભાવિત થઈ શકે છે. શરણાર્થી અને નાગરિકતા આપવાનું કામ કરતી અમેરિકાની યુએસ સિટિઝનશીપ એન્ડ ઈમિગ્રેશન સર્વિસેઝે વીઝા અરજી પ્રક્રિયા શરૂ થયાની પહેલા જ ચેતવણી આપી દીધી છે.
એજન્સીનું કહેવું છે કે એક જ વ્યક્તિ એકથી વધારે અરજી કરે તો તે લોટરી પ્રક્રિયાને ખરાબ કરે છે. મહત્વનું છે કે 1 ઓક્ટોબરથી નવા વર્ષ 2019 માટે H-1 B વિઝાની અરજીની પ્રક્રિયા શરૂ થવાની છે.
આપને જણાવી દઇએ કે અમેરિકાના પૂર્વ પ્રમુખ બરાક ઓબામાના કાર્યકાળમાં વર્ષ દરમિયાન એચ-1બી વીઝા ધારકોના જીવનસાથીને પણ વર્ક વીઝા આપવાની શરૂઆત કરવામાં આવી હતી.