ચેતવણી / અમેરિકી નિષ્ણાતનો દાવો ભારતમાં 6 અઠવાડિયામાં આટલા કરોડ કોરોના કેસ થવાની દહેશત

સંક્રમણના વધતા વેગ છતાં ભારત સરકાર દેશ કોમ્યુનિટી ટ્રાન્સમિશન તબક્કામાં પહોંચી ગયો છે એટલે કે દેશમાં એટલા કોરોના કેસ વધી ગયા છે કે દર્દીને ક્યાંથી કોરોનાનું સંક્રમણ થયું તે જાણવું અશક્ય બન્યું છે તેવું માનવા તૈયાર નથી. સરકારના આ વલણથી નિષ્ણાતો મુશ્કેલીમાં મુકાયા છે. ગ્લોબલ હેલ્થના સંશોધનકર્તા અને પુણે ના ડોક્ટર અનંત ભાન કહે છે કે સતત પોઝિટિવ કેસની સંખ્યા વધવા છતાં પોલિસી મેકર્સ એટલે કે સરકાર કોમ્યુનિટી ટ્રાન્સમિશન તબક્કો આવી ગયો છે તે સ્વીકારતા નથી. 

એક સપ્ટેમ્બર સુધી થઇ શકે છે કોરોનાના 35 લાખ કેસ 

ઇન્ડિયન ઇન્સ્ટિટ્યૂટ ઓફ સાયન્સિસના અનુમાન પ્રમાણે ભારતમાં 1 સપ્ટેમ્બર સુધી કોરોનાના 35 લાખ કેસ થઇ શકે છે. અમેરિકાના એપિડેમિયોલોજિસ્ટ ભ્રમર મુખર્જીએ વેબસાઈટ ધ વાયર સાથે વાતચીત દરમિયાન જણાવ્યું હતું કે શક્ય છે કે ભારતમાં અત્યારે જ 3 કરોડ પોઝિટિવ કેસીસ હોય. આ સંખ્યા 6 અઠવાડિયામાં વધીને 10 કરોડ સુધી પહોંચી શકે છે. ભારતમાં કોમ્યુનિટી ટ્રાન્સમિશન તબક્કો આવી ગયો છે તે વાતમાં કોઈ શંકાને સ્થાન નથી. હું ઈચ્છું છું કે કોઈ વૈજ્ઞાનિકએ સાબિત કરી બતાવે કે કેવી રીતે ભારતમાં કોમ્યુનિટી ટ્રાન્સમિશન તબક્કો નથી. 

સરકાર પોતાની છબી ખરાબ થાય તેમ ઇચ્છતી નથી 

વેલ્લોરના ક્રિશ્ચિયન મેડિકલ કોલેજના એપિડેમિયોલોજિસ્ટ જયપ્રકાશ મુલિયિલના જણાવ્યા અનુસાર, "કેટલાક નેતાઓ ચિંતિત છે કે કોમ્યુનિટી ટ્રાન્સમિશન સ્વીકારવામાં આવશે તો એમ માની લેવાશે કે સરકાર ચેપને રોકવા માટે સમર્થ નથી. તેમજ લોકડાઉન દરમિયાન વાયરસને રોકવા માટે લેવામાં આવેલા તમામ પગલા નિષ્ફળ ગયા હતા. 

માત્ર 10 રાજ્યોમાં 86% સંક્રમણ 

અત્યાર સુધી ફક્ત કેરળ, પશ્ચિમ બંગાળ અને અસમ સરકારે પોતાના રાજ્યોમાં કોમ્યુનિટી ટ્રાન્સમિશનની વાતને સ્વીકારી છે. સ્વાસ્થ્ય મંત્રાલયના ડેટામાં જાણવા મળ્યું છે કે 86% કોરોનાના કેસ દેશના 29માંથી 10 રાજ્યોમાં આવ્યા છે.