રોકાણ / ગુજરાતનો ડંકો વાગશે! દેશના રસ્તાઓ પર જોવા મળશે કચ્છમાં બનેલી ઈ-કાર, જાણો વિગત

• અમેરિકન કંપની ટ્રિટોન ઇલેક્ટ્રીક વ્હીકલ પ્લાટ સ્થાપશે 
• ટ્રિટોન ઇલેક્ટ્રીક વ્હીકલ અને ગુજરાત સરકાર વચ્ચે MOU થયા
• ભુજ નજીક ટ્રિટોનના પ્લાન્ટમાં વાર્ષિક 50 હજાર ઇલેક્ટ્રીક ટ્રક બનશે

મુખ્યમંત્રીશ્રી ભૂપેન્દ્ર પટેલની ઉપસ્થિતીમાં આજે ગાંધીનગર ખાતે ટ્રિટોન ઇલેકટ્રીક વ્હીકલ એલ.એલ.સી અને ગુજરાત સરકાર વચ્ચે કચ્છ-ભૂજ ખાતે ₹10,800 કરોડના કુલ રોકાણ સાથે ઇલેકટ્રીક કોમર્શિયલ વ્હીકલ પ્રોડક્શન માટે પ્લાન્ટની સ્થાપના માટેના એમ.ઓ.યુ. સંપન્ન થયા. pic.twitter.com/ggnYuhUeuu

— CMO Gujarat (@CMOGuj) April 5, 2022

અમેરિકન કંપની ટ્રિટોન ઇલેક્ટ્રીક વ્હીકલ પ્લાટ ભૂજમાં સ્થાપશે 

ટ્રિટોન ઇલેકટ્રીક વ્હીકલ એલ.એલ.સી અને ગુજરાત સરકાર વચ્ચે આ પ્લાન્ટ ની સ્થાપના માટેના એમ.ઓ.યુ. થયા છે. જેમાં રૂ.10800 કરોડના કુલ રોકાણ સાથે સ્થપાનારા આ પ્લાન્ટમાં ચાલુ નાણાંકીય વર્ષ 2022-23માં 1200 કરોડના રોકાણ સાથે ટ્રિટોન ઇલેકટ્રીક વ્હીકલ આ પ્લાન્ટ શરૂ કરશે 10 હજાર જેટલા લોકોને પ્રત્યક્ષ અને પરોક્ષ રોજગાર અવસર પૂરો પાડનારા આ પ્લાન્ટની સ્થાપના માટે ગાંધીનગરમાં મુખ્યમંત્રી ભૂપેન્દ્ર પટેલની ઉપસ્થિતીમાં MOU સંપન્ન કરવામાં આવ્યા હતા. 

ટ્રિટોન ઇલેક્ટ્રીક વ્હીકલ અને ગુજરાત સરકાર વચ્ચે MOU થયા

ગુજરાત સરકાર વતી ઉદ્યોગ વિભાગના અધિક મુખ્ય સચિવ ડૉ. રાજીવકુમાર ગુપ્તાએ તથા ટ્રિટોન ઇલેકટ્રીક વ્હીકલ તરફથી ફાઉન્ડર અને સી.ઇ.ઓ. હિમાંશુ પટેલે આ એમ.ઓ.યુ પર હસ્તાક્ષર કરી એમ.ઓ.યુ પરસ્પર આદાન-પ્રદાન કર્યા હતાં. ટ્રિટોન ઇલેકટ્રીક વ્હીકલ પોતાના આ 645 એકર વિસ્તારમાં પથરાયેલા પ્લાન્ટમાં વાર્ષિક 50 હજાર ટ્રકની ઉત્પાદન ક્ષમતા ધરાવતો પ્લાન્ટ શરૂ કરશે. 

ભુજ નજીક ટ્રિટોનના પ્લાન્ટમાં વાર્ષિક 50 હજાર ઇલેક્ટ્રીક ટ્રક બનશે

એટલું જ નહિ, ચેસિસ અને કેબિન, રોબોટિક પેઇન્ટ શોપ, ચેસિસ સબ એસેમ્બલી અને ક્વોલિટી એસ્યોરન્સ તથા મટિરિયલ ટેસ્ટીંગ લેબ જેવી ઇન હાઉસ ફેસેલીટીઝ પણ તેઓ ઊભી કરવાના છે. અત્રે એ નિર્દેશ કરવો જરૂરી છે કે, ટ્રિટોન ઇલેકટ્રીક વ્હીકલ એ યુ.એસ.એ બેઇઝડ કંપની છે. લિથીયમ બેટરી સેલ અને ઇલેકટ્રીક વ્હીકલ કંટ્રોલર્સના ઉત્પાદનમાં વિશેષ તજ્જ્ઞતા ધરાવે છે ટ્રિટોન દ્વારા વર્લ્ડકલાસ સેફટી અને ફંકશનાલિટીઝ સાથે શ્રેષ્ઠ લોંગ રેંજ ઇલેકટ્રીક વ્હીકલ વિકસાવવામાં આવી રહ્યા છે. યુ.એસ.એ માં ટ્રિટોન દ્વારા ઇલેકટ્રીક સેમી ટ્રક, એસ.યુ.વી, ઇલેકટ્રીક સેડાન, ડિફેન્સ ઇલેકટ્રીક વ્હીકલ અને ઇલેકટ્રીક રિક્ષાનું ઉત્પાદન કરવામાં આવે છે