સંશોધન / ઘરમાં રાખો કૉકરોચ, મળશે દોઢ લાખ રૂપિયાનું વળતર: જાણો કેમ આવી ઓફર આપી રહી છે કંપની

• ઘરમાં કૉકરોચ પાળશો તો મળશે વધુ રૂપિયા
• અમેરિકાની એક કંપની આપી રહી છે આ પ્રકારનો પ્રસ્તાવ
• 2000 ડૉલર એટલેકે અંદાજે દોઢ લાખ રૂપિયા આપવામાં આવશે

દવા પર કરવા માગે છે સંશોધન 

ખરેખર આ કંપની કૉકરોચને મારનારી એક દવા પર સંશોધન કરવા માગે છે. જેના માટે કંપનીએ વેબસાઈટ પર પોસ્ટ કરી છે કે જે લોકો ઘરમાં કૉકરોચ રાખવા માટે સહમત છે. તેમને પૈસા આપવામાં આવશે. કંપનીનુ કહેવુ છે કે તે આ દવા દ્વારા જાણવા માગે છે કે આ કૉકરોચ પર કેટલી અસરકારક છે. અમેરિકાના ઉત્તરી કેરોલિના સ્થિત કંપનીએ કહ્યું છે કે ઘરમાં 100 કૉકરોચ છોડતા માલિકને 2000 ડૉલર એટલેકે લગભગ દોઢ લાખ રૂપિયા આપવામાં આવશે. કંપનીએ એક નિવેદનમાં કહ્યું કે તે આવા 5-6 લોકોની તપાસ કરી રહી છે, જે પોતાના ઘરમાં 100 કૉકરોચ છોડવા માટે તૈયાર છે.  

1 મહિનો ચાલશે ટેસ્ટ 

કંપનીએ કહ્યું કે આ ટેસ્ટ લગભગ એક મહિના સુધી ચાલશે અને કંપની પારંપરીક રીતનો ઉપયોગ કરીને કૉકરોચને હટાવવા માટે એક પેસ્ટ કંટ્રોલ પ્રોફેશનલને મોકલશે. જો કે, કંપનીએ તેના માટે અમુક શરતો પણ રાખી છે. જેમાં ઘરના માલિકને ટેસ્ટ માટે લખીને આપવુ પડશે. તો ઘરના માલિકની ઉંમર ઓછામાં ઓછી 21 વર્ષ હોવી જોઈએ અને ઘર અમેરીકામાં હોવુ જોઈએ. શરતોમાં એવુ પણ કહેવામાં આવ્યું છે કે 30 દિવસના સમયગાળા દરમ્યાન ઘરના માલિકોને કોઈ અન્ય પેસ્ટ કંટ્રોલનો ઉપયોગ કરવાની મંજૂરી નથી. જો કે, આ નવી ટેકનિક 30 દિવસના સમયગાળા દરમ્યાન કૉકરોચનો સફાયો ના કરી શકે તો કંપની અન્ય વિકલ્પો દ્વારા કૉકરોચનો સફાયો કરશે.