અમેરિકન એરલાઇન્સની ફ્લાઇટ AA292માં વધુ એક વખત પેશાબકાંડની ઘટના સામે આવી છે. જેમા વિવાદ બાદ અન્ય મુસાફરે સહપ્રવાસી પર પેશાબ કર્યો હતો.
ફ્લાઈટમાં ફરી પેશાબકાંડની ઘટના સામે આવતા ચકચાર
અમેરિકન એરલાઇન્સની ફ્લાઇટ AA292માં બની ઘટના
સેન્ટ્રલ ઇન્ડસ્ટ્રિયલ સિક્યુરિટી ફોર્સ (CISF) એ આરોપીને દબોચી લીધો
ફ્લાઈટમાં પેશાબ કરવાના કિસ્સામાં નોંધાતા વધારા વચ્ચે ફ્લાઈટમાં ફરી પેશાબકાંડની ઘટના સામે આવતા ચકચાર મચી જવા પામી છે. અમેરિકન એરલાઇન્સની ફ્લાઇટ AA292માં બની હતી. રવિવારે રાત્રે લગભગ 9 વાગ્યે પ્લેન દિલ્હીના ઇન્ટરનેશનલ એરપોર્ટ પર નશામાં ધુત પેસેન્જરે પેશાબ કરી નાખ્યો હતો. જેને લઈને પ્લેન લેન્ડ થતાંની સાથે જ સેન્ટ્રલ ઇન્ડસ્ટ્રિયલ સિક્યુરિટી ફોર્સ (CISF) એ આરોપીને દબોચી લીધો હતો. મહત્વનું છે કે 6 મહિનામાં આ પ્રકારની ચોથી ઘટના સામે આવી છે.
કાનૂની પગલાં લેવામા આવ્યા
આ મામલે વિગત અનુઆર ન્યૂયોર્કથી નવી દિલ્હી જતી અમેરિકન એરલાઈન્સની ફ્લાઈટમાં એક મુસાફરે નશાની હાલતમાં અન્ય મુસાફર પર પેશાબ કર્યો હતો. આ કિસ્સાને લઈને ફલાઈટમાં દેકારો બોલી ગયો હતો. બાદમાં એરલાઈન્સના પેસેન્જરના આ કૃત્ય તંત્રને ફરિયાદ કરવામાં આવી હતી. જેને લઈને નાગરિક ઉડ્ડયન અધિનિયમ હેઠળ કાનૂની પગલાં લેવામા આવ્યા હતા. અમેરિકન એરલાઈન્સે અન્ય મુસાફરોના નિવેદન નોંધી આરોપી મુસાફરને પોલીસને હવાલે કરી દેવામાં આવ્યો હોવાનું જાણવા મળી રહ્યું છે.
વિવાદ બાદ મુસાફરે સહ પ્રવાસી પર કર્યો પેશાબ
આ મામલે એરલાઈન્સના કર્મચારીઓએ વિગત આપતા કહ્યું હતું કે ભારતીય નાગરિક નશામાં હતો. જે દરમિયાન અન્ય મુસાફર સાથે વિવાદ થયો હતો. જેમાં દલીલ દરમિયાન સહ-પ્રવાસી પર પેશાબ કર્યો હોવાનું બહાર આવ્યું છે. નોંધનીય છે કે આ અગાઉ તા. 26 નવેમ્બર 2022 ના રોજ ન્યુયોર્કથી દિલ્હી આવતી એર ઇન્ડિયાની ફ્લાઈટમાં પેશાબકાંડ સામે આવ્યો હતો. બાદમાં 6 ડિસેમ્બર 2022 માં એર ઇન્ડિયાની જ ફ્લાઈટમાં જ પેશાબકાર્ડ નોંધાયો હતો. વધુમાં ચાર માર્ચ 2023 ના રોજ પણ પેશાબનું આ પ્રકારનું કૃત્ય પોલીસ ચોપડે નોંધાયું હતું.