ચીનને કડક સંદેશ / દક્ષિણ ચીન સાગરથી હિમાલય સુધી અમે મિત્રોની સાથેઃ US વિદેશ મંત્રાલય

ચીન વિરુદ્ધ અમેરિકા સતત કડક વલણ અપનાવી રહ્યું છે.  હવે અમેરિકાએ સંકેત આપ્યા કે ચીન વિરુદ્ધ તે પોતાના મિત્ર દેશની સાથે છે. અમેરિકી વિદેશ મંત્રાલયે કહ્યું કે દક્ષિણ ચીન સાગરમાં તેની ગતિવિધિઓથી જળમાર્ગને અસર પડી રહી છે. આ સ્થિતિમાં દક્ષિણ ચીન સાગરથી લઈને હિમાલય સુધી અમેરિકા પોતાના મિત્રો સાથે ઉભું છે.

મહત્વનું છે કે અમેરિકા ભારતની ગણતરી પોતાના મિત્રોમાં કરે છે. અમેરિકી વિદેશ મંત્રાલયે ચીનને કડક સંદેશ આપ્યો છે કે, દક્ષિણ ચીન સાગરમાં જે રીતે ચીન પોતાની ગતિવિધિઓ વધારી રહ્યું છે. તેના કારણે અનેક દેશોને અસર થઈ રહી છે.
 

America will stand with our friends in upholding sovereignty in the face of Beijing’s belligerence-whether in South China Sea or the Himalayas: US State Department https://t.co/iyLinZb0a5

— ANI (@ANI) July 16, 2020

આ મામલે અમેરિકી વિદેશ મંત્રાલયે જણાવ્યું કે અમેરિકા આ સ્થિતિમાં પોતાના મિત્રોની સાથે ઉભું છે. ચીન જો મિત્ર દેશોને પરેશાન કરશે તો અમેરિકા તેનો જવાબ આપવા તૈયાર છે. ચીનના કારણે આર્કટિક, હિંદ મહાસાગર અને ભૂમધ્ય સાગરના જળમાર્ગમાં અસર થઈ રહી છે. આમ હવે અમેરિકા ચીનને જવાબ આપવા માટે કડક વલણ અપનાવી રહ્યું છે.