અમેરિકામાં આજે જ્યાં આધિકારિક રીતે જો બાયડનને રાષ્ટ્રપતિ ચૂંટણીના વિજેતા જાહેર કરવામાં આવ્યા છે ત્યાં ટ્રમ્પ સમર્થકોએ જોરદાર હંગામો કર્યો જેમાં ચાર લોકોના મોત થયા છે.
અમેરિકામાં ભયંકર હિંસા, ચાર લોકોના મોત
વૉશિંગ્ટન ડીસીમાં 15 દિવસ સુધી પબ્લિક ઈમરજન્સી
ગૃહયુદ્ધની આશંકાની ફફડી ઉઠ્યું વિશ્વ
અમેરિકાના રાષ્ટ્રપતિ ડોનાલ્ડ ટ્રમ્પના રાષ્ટ્રપતિ પદ પર અંતિમ દિવસો ચાલી રહયા છે ત્યાં અમેરિકામાં ફરીથી હિંસા ભડકી ઉઠી છે. વૉશિંગ્ટન સ્થિત કેપટલ હિલમાં ટ્રમ્પ સમર્થકોએ જોરદાર હંગામો કર્યો હતો હજારોની સંખ્યામાં ટ્રમ્પ સમર્થકો હથિયારો સાથે સંસદ પરિસરમાં ઘૂસી ગયા હતા. અહિયાં તોડફોડ કરવામાં આવી અને સેનેટ પર કબજો કરી લેવા પ્રયત્ન કરાયા. લાંબા સંઘર્ષ બાદ હેમખેમ સુરક્ષાદળો લોકોને બહાર કાઢ્યા અને આ હિંસામાં ચાર લોકોની મોત થઈ છે.
Police say four people died as Trump supporters occupied the US Capitol in Washington DC. One woman was shot by the U.S. Capitol police as a mob tried to break through a barricaded door, and three died in medical emergencies, reports The Associated Press https://t.co/W1e3J1JkJf
કેપિટલ હિલમાં કાર્યવાહી ચાલી રહી હતી ત્યારે ટ્રમ્પ સમર્થકોએ રેલી કાઢવાની શરૂઆત કરી દીધી અને હંગામાંને જોતાં સુરક્ષા વધારવામાં આવી છતાં હોબાળો વધતો ગયો અને સમર્થકો અંદર ઘૂસી ગયા જે બાદ લાઠીચાર્જ, ટીયર ગેસનો ઉપયોગ કરવાની ફરજ પડી હતી. આ હિંસામાં કુલ ચાર લોકોના મોતની પુષ્ટિ કરવામાં આવી છે જેમાં એક મહિલાની મોત પોલીસની ગોળીથી થઈ છે. અમેરિકાનાઆ વૉશિંગ્ટનમાં હિંસા બાદ પબ્લિક ઈમરજન્સી લગાવી દેવામાં આવી છે અને આ ઇમરજન્સી 15 દિવસ માટે લંબાવવામાં આવશે તેવા અહેવાલ છે.
#UPDATE | US lawmakers reconvene to certify Electoral College votes after the violence at the US Capitol in Washington DC. https://t.co/W1e3J1JkJf
અમેરિકાની હિંસા પર પ્રધાનમંત્રી નરેન્દ્ર મોદીએ કહ્યું કે વોશિંગટન ડીસીમાં હિંસા અને અથડામણ અંગેના સમાચાર જોવ્યાં બાદ પરેશાન થયો છું. સત્તાનું વ્યવસ્થિત અને શાંતિપૂર્ણ પરિવહન ચાલવું યોગ્ય છે. લોકશાહીની પ્રક્રિયાને ગેરકાયદેસર વિરોધ પ્રદર્શનના માધ્યમથી પ્રભાવિત થવા ન દેવી જોઇએ.
માત્ર પ્રધાનમંત્રી નરેન્દ્ર મોદી જ નહીં પરંતુ દેશના ઘણા દિગ્ગજ નેતાઓએ અમેરિકાની હિંસા પર ચિંતા વ્યકત કરી છે. બ્રિટિશ પ્રધાનમંત્રી બોરિસ જોનસને ટ્વિટ કરી કહ્યું કે અમેરિકામાંથી જેવા સમાચાર આવી રહ્યાં છે તે ચિંતા વધારનારા છે, બધાએ શાંતિથી કામ લેવું જોઇએ. તે સિવાય કેનાડાના પીએમ જસ્ટિસ ટ્રૂડો, ઓસ્ટ્રેલિયાના પીએમ સ્કોટ મોરિસન, ન્યૂઝીલેંડના પીએમ જેસિંડા પણ ટ્વિટ કરી અમેરિકા હિંસાની ટીકા કરી છે.
"Distressed to see news about rioting & violence in Washington DC. Orderly and peaceful transfer of power must continue. The democratic process cannot be allowed to be subverted through unlawful protests," says Prime Minister Narendra Modi pic.twitter.com/BVlzOouFyo
US કેપિટલમાં હિંસા બાદ ડોનાલ્ડ ટ્રમ્પે કરેલા ત્રણ ટ્વિટ હટાવામાં આવ્યાં છે. જેમાં એ વીડિયોનો પણ સમાવેશ થતો હતો જેમાં ટ્રમ્પે સમર્થકોને સંબોધિત કર્યા હતા. આ સાથે ટ્વિટરે ટ્રમ્પનું એકાઉન્ટ 12 કલાક માટે સસ્પેન્ડ કરી દીધું છે.
ટ્રમ્પના નિવેદન બાદ હિંસા
રાષ્ટ્રપતિ ડોનાલ્ડ ટ્રમ્પે સંસદના સંયુક્ત સત્ર શરુ થવાના ઠીક પહેલા કહ્યું કે ચૂંટણીમાં હારનો સ્વીકાર નહીં કરે. ટ્રમ્પે આરોપ લગાવ્યો કે તેમાં ગોટાળો થયો છે અને આ ગોટાળો તેમના ડેમોક્રેટિક પ્રતિસ્પર્ધી જો બાઇડન માટે કરવામાં આવ્યો, જે હાલ નવા રાષ્ટ્રપતિ તરીકે ચૂંટાયેલા છે. ત્યાર બાદ હિંસા ભડકી.