યુક્રેનને લઈને રશિયા સાથે પશ્ચિમી દેશો વચ્ચે સંઘર્ષ ચાલુ છે. અમેરિકાએ ચેતવણી આપતા કહ્યું હતું કે બીજિંગ ઓલિમ્પિક દરમિયાન Ukraine પર હુમલો થવાની શક્યતા છે.
પશ્ચિમી નેતાઓની રશિયાની ચેતવણી
યુક્રેન પર આક્રમણ કરશે તો થશે જોવા જેવી
સખત પ્રતિબંધો લગાવવામાં આવશે
યુક્રેનને લઈને રશિયા સાથે પશ્ચિમી દેશો વચ્ચે સંઘર્ષ ચાલુ છે. યુએસ પ્રમુખ જો બિડેન, જર્મન ચાન્સેલર ઓલાફ સ્કોલ્ઝ અને ફ્રાન્સના પ્રમુખ ઈમેન્યુઅલ મેક્રોન સહિતના પશ્ચિમી નેતાઓએ રશિયાને ચેતવણી આપી છે કે જો તે યુક્રેન પર આક્રમણ કરશે તો તેના પર સખત પ્રતિબંધો લગાવવામાં આવશે.
વ્હાઇટ હાઉસે જાહેર કર્યું નિવેદન
વ્હાઇટ હાઉસે પણ આ અંગે એક નિવેદન જાહેર કર્યું છે. વ્હાઇટ હાઉસે જણાવ્યું હતું કે, "પુતિને જે રીતે તેમની સૈન્ય બનાવી છે અને તેમને યુક્રેનમાં તૈનાત કર્યા છે અને અમને જે ગુપ્ત માહિતી મળી છે, તે સ્પષ્ટ છે કે રશિયા લશ્કરી કાર્યવાહી કરશે." આ એકદમ ઝડપથી થઈ શકે છે. વિન્ટર ઓલિમ્પિકના અંત પહેલા રશિયન સૈન્ય કાર્યવાહી થાય તેવી દરેક શક્યતા છે. એવી સંભાવના છે કે રશિયાના રાષ્ટ્રપતિ વ્લાદિમીર પુતિન બેઇજિંગ ઓલિમ્પિકના અંત પહેલા યુક્રેન પર લશ્કરી કાર્યવાહી અને આક્રમણનો આદેશ આપે.
વ્હાઇટ હાઉસે કહ્યું હતું કે જર્મની, પોલેન્ડ, આર્મેનિયામાં તૈનાત યુએસ સૈનિકોને રશિયા સામે લડવા માટે યુક્રેન મોકલવામાં આવી રહ્યા નથી. તેઓ આક્રમણ સામે નાટો ક્ષેત્રનો બચાવ કરવા જઈ રહ્યા છે.
અમેરિકનોને પૂર્વ યુરોપિયન દેશોમાંથી તાત્કાલિક બહાર નીકળવાની સૂચના આપી
ઑસ્ટ્રેલિયામાં ક્વાડ દેશોની બેઠક દરમિયાન, યુએસ સ્ટેટ સેક્રેટરી એન્ટની બ્લિંકને શુક્રવારે કહ્યું કે, બેઇજિંગ વિન્ટર ઓલિમ્પિક દરમિયાન રશિયા યુક્રેન પર હુમલો કરી શકે છે.
એટલા માટે અમેરિકનોએ તરત જ આ પૂર્વ યુરોપીય દેશ છોડી દેવો જોઈએ. કેનબેરામાં અમેરિકા, ભારત, જાપાન અને ઓસ્ટ્રેલિયાના વિદેશ મંત્રીઓએ રશિયા અને ચીન વચ્ચે ગાઢ થયેલી મિત્રતા અંગે વિગતવાર ચર્ચા કરી હતી.
બ્લિંકને ઓસ્ટ્રેલિયાના મેલબોર્નથી જણાવ્યું હતું કે યુક્રેનિયન સરહદ પર સૈનિકો આવવાની પ્રક્રિયા ચાલુ છે. આપણે ખતરાના સંકેતો સ્પષ્ટપણે જોઈ શકીએ છીએ. અમને લાગે છે કે હુમલો કોઈપણ સમયે અને ખાસ કરીને બેઈજિંગ ઓલિમ્પિક દરમિયાન થઈ શકે છે.
એક લાખ રશિયન સૈનિકો યુક્રેનની સરહદે
આવી સ્થિતિમાં તમામ અમેરિકી નાગરિકોને તાત્કાલિક યુક્રેન છોડવા માટે સુરક્ષા ચેતવણી જારી કરવામાં આવી છે. જો કે, બ્લિંકને આ ચેતવણી પાછળ કોઈ વિગતવાર માહિતી આપી નથી. લગભગ એક લાખ રશિયન સૈનિકો યુક્રેનની સરહદે પહોંચી ગયા છે. જોકે, રશિયા દાવો કરી રહ્યું છે કે તેનો હુમલો કરવાનો કોઈ ઈરાદો નથી. તે માત્ર ઇચ્છે છે કે પશ્ચિમ યુક્રેન અને અન્ય સોવિયેત દેશોને નાટોમાંથી બહાર રાખે.