આંતરરાષ્ટ્રીય નિર્ણય / આ દેશે ચીનને આપ્યો સૌથી મોટો ઝટકો, વાણિજ્ય વિભાગે 11 ચીની કંપનીઓને બ્લેક લિસ્ટ કરી, આ છે કારણ

• ત્રીજી વાર થયું છે જ્યારે અમેરિકાએ ચીની કંપનીઓને બ્લેક લિસ્ટ કરી હોય
• આ પહેલા 2 વાર ટ્રમ્પે 37 ચીની કંપનીઓ પર કાર્યવાહી કરી હતી
• અમેરિકન કંપનીની પરવાનગી વગર આ કંપનીઓ વેપાર નહીં કરી શકે

આવું ત્રીજી વાર થયું છે જ્યારે અમેરિકાએ ચીની કંપનીઓને બ્લેક લિસ્ટમાં નાંખી હોય. આ પહેલા 2 વાર ટ્રમ્પે 37 ચીની કંપનીઓ પર કાર્યવાહી કરી હતી. આ કંપનીઓ પર શિનજિયાંગ પ્રાંતમાં ઉઈગર મુસલમાનોના શોષણનો આરોપ છે. વાણિજ્ય મંત્રી વિલબર રોસે જણાવ્યું કે ચીન આ નાગરિકો સાથે ન  ફક્ત જબરજસ્તી કામ કરાવતું હતુ બલ્કે તેમનું શારીરિક શોષણ કરતું હતુ. જો કે અમેરિકા સ્થિત ચીની દુતાવાસે કોઈ પ્રતિક્રિયા આપી નથી.

જે કંપનીઓને બ્લેક લિસ્ટ કરવામાં આવી છે તેમાં કેટીકે પણ છે, જે હાઈસ્પીડ ટ્રેન બનાવવા માટે જરુરી 2 હજારથી વધારે પ્રોડક્ટ બનાવે છે. આ ઉપરાંત વિધુત ઉપકરણ બનાવતી તાનયુઆન ટેક્નોલોજી, ચાંગજી ઈસ્કેલ , 2009માં લોન્ચ થયેલા ઈસ્કેલ ગ્રુપની ટેક્સટાઈલ કંપની પણ છે. જો કે એપ્રિલમાં આ કંપનીઓએ તેમના આરોપો ફગાવી દીધા હતા.  ઈસ્કેલ ગ્રુપ રાલ્ક લારેન, ટોમી હિલફિગર અને હ્યુગો બોસ કપડા બનાવે છે. 

તેમજ લિસ્ટમાં સમાવિષ્ટ હેતિયન હાઓલિન હેર એક્સેસરીઝ બનાવે છે. પહેલી  મેના રોજ અમેરિકન કસ્ટમ એન્ડ બોર્ડ઼ર પ્રોટેક્શન(સીબીપી)એ કહ્યું હતું કે વાળના ઉત્પાદન વાળા કંપની ઉઈગરોને જબરજસ્તી કામ કરાવે છે. સીબીપીમાં પહેલી જુલાઈના રોજ આ કંપનીની ખેપને જપ્ચ કરવામાં આવી હતી. જેમાં 8 લાખ ડોલરના માનવ કેસ મળ્યા હતા. જે ઉઈગરના હોવાનું માનવામાં આવી રહ્યું છે.