તાજેતરમાં જ ભારતની એક મિસાઈલ પાકિસ્તાનમાં જઈને પડી હતી, જો કે, ભારતે તેના માટે સ્પષ્ટીકરણ પણ આપી દીધું છે, પણ પાકિસ્તાન આ જવાબથી ખુશ નથી.
થોડા દિવસ પહેલા ભૂલથી એક મિસાઈલ પાકમાં પડી હતી
ભારતે આપી સ્પષ્ટતા, પાક નાખુશ
અમેરિકા ભારતના સપોર્ટમાં આવ્યું
પાકિસ્તાને હાલમાં જ ભારતે તેના એરસ્પેસનું ઉલ્લંઘન કરવાનો આરોપ લગાવ્યો હતો. દાવો કર્યો હતો કે, પાકિસ્તાનમાં 124 કિમી અંદર ભારત તરફથી ઓબ્ઝેક્ટ ખાનેવાલ જિલ્લામાં પડ્યું હતું. જો કે, તેના પર ભારતે સ્પષ્ટીકરણ આપ્યું હતું અને ટેકનિકલ ખામીના કારણે આ ઘટના ઘટી હતી. હવે અમેરિકા પણ ભારતના પક્ષમાં આવી ગયું છે. જણાવી દઈએ કે, અમેરિકાએ કહ્યું કે, આ ફક્ત એક આકસ્મિક ઘટના હતી, આ જાણી જોઈને કરેલો અટેક નથી.
ભારતના સપોર્ટમાં આવ્યું અમેરિકા
એજન્સીના જણાવ્યા અનુસાર અમેરિકાના વિદેશ વિભાગના પ્રવક્તા નેડ પાઈસે કહ્યું કે, અમારી પાસે આ પ્રકારના સંકેતો નથી કે, આ જાણી જોઈને કરવામાં આવ્યું હતું. તેના વિશે ભારતે પણ કહ્યું છે કે, આ એક દુર્ઘટના સિવાય અન્ય કંઈ નથી.
ભૂલથી પાકિસ્તાનમાં જઈ પડી મિસાઈલ
જણાવી દઈએ કે, ભારતે શુક્રવારે કહ્યું હતું કે, 2 દિવસ પહેલા ભૂલથી એક મિસાઈલ લોન્ચ થઈ હતી અને તે પાકિસ્તાનમાં જઈને પડી હતી. આ ભૂલથી થયેલી ઘટના હતી. જે નિયમિત પ્રેક્ટિસ દરમિયાન એક ટેકનિકલી ખામીના કારણે થઈ હતી.
ભારતના જવાબથી પાકિસ્તાન ખુશ નથી
તો વળી પાકિસ્તાને કહ્યું કે, આ મિસાઈલની આકસ્મિક અટેકથી ભારતની સ્પષ્ટતા પર સંતુષ્ટ નથી. સાથે જ પાકિસ્તાને ઘટનાની આસપાસના તથ્યોને સટીક રીતે સ્થાપિત કરવા માટે એક સંયુક્ત તપાસની માગ પણ કરી છે.
ચીને કરી હતી તપાસની માગ
આ મામલે ચીને પણ દખલ કરી હતી, જણાવી દઈએ કે, ચીને આ ઘટના પર તપાસની માગ કરતા કહ્યું હતું કે, ભારત અને પાકિસ્તાને ટૂંક સમયમાં વાતચીત કરવી જોઈએ અને હાલમાં જ પાકિસ્તાનના પંજાબ પ્રાંતમાં ભારત તરફથી એક મિસાઈલ આવી પડી તેની ઉંડાણપૂર્વક તપાસ થવી જોઈએ.