કોરોના / રશિયાની રસીને લઈને આવ્યા મોટા ન્યૂઝ, કહ્યું અમે સાબિતી માટે આવું કરવા તૈયાર

• રશિયાની રસીને લઈને આવ્યા મોટા સમાચાર
• હેકર્સ વેક્સીનની ટેકનિક ચોરવાની કરી રહ્યા છે કોશિશ
• રશિયાએ ચોરીના દાવાને નકાર્યો 

ગેમાલેયાના પ્રમુખ એલેક્ઝેન્ડર જિંસબર્ગે કહ્યું કે રશિયાની ટેકનિક દુર્લભ છે. તેની પેટન્ટ કરાવાઈ છે. હું દાવા સાથે કહી શકું છું કે આ પશ્ચિમી દેશોની તુલનામાં વધારે પ્રભાવિત છે. દુનિયા અમારી ઈમ્યૂનાઈઝેશન સ્કીમની કદર કરશે અને અમારી પાસેથી ઉધાર લેશે. તેઓએ કહ્યું કે વેક્સીન સંબંધી ડેટાને પશ્ચિમના સાથીઓની સાથે શેર કરવા ઈચ્છુક છે. આ એ ટેકિનિક છે જેને રશિયા 25 વર્ષથી કોરોના વાયરસ માટે ડેવલપ કરી રહ્યું છે. ઉલ્લેખનીય છે કે ગેમાલેયા વેક્સીનનો રશિયાની 2 સંસ્થાઓમાં પહેલાંથી જ ક્લીનિકલ ટ્રાયલ ચાલી રહ્યું છે. 

ઓક્સફર્ડ યુનિ.ની વેક્સીન અહીં બનશે

વિશ્વ સ્વાસ્થ્ય સંગઠનના ગેમાલેયા સિવાય દુનિયાની 22 અન્ય સંસ્થાઓને પણ ધ્યાનમાં રાખવામાં આવી છે જેઓએ ક્લીનિકલ ટ્રાયલ મામટેના 3 સ્ટેજ પૂરા કર્યા છે અને મોટા પાયે તેને ઉત્પાદનની પરમિશન મળી શકે છે. આ સમયે રશિયાની દવા કંપની આરફાર્માએ બ્રિટિશ કોરોના વેક્સીન બનાવવાનો કરાર કર્યો છે. તેના આધારે ઓક્સફર્ડ યુનિ.ની વેક્સીન રશિયામાં આર-ફાર્મ બનાવશે. કંપનીએ આસ્ટ્રાજેનેકાથી તેનો કરાર કર્યો છે. આ ડીલ એવા સમયે થઈ જ્યારે બ્રિટન, અમેરિકા અને કેનેડાએ રશિયા હેકર્સ પર વેક્સીન ટ્રાયલનો ડેટા ચોરવાનો આરોપ લગાવ્યો છે. 

આ રીતે અનેક કંપનીઓ કરી રહી છે વેક્સીનનું માનવ પરીક્ષણ

આ સમયે લંડનના ઈમ્પીરિયલ કોલેજની વેક્સીનનુ પણ માનવીય પરીક્ષણ બીજા ચરણમાં પહોંચ્યું છે. વૈજ્ઞાનિકોનું કહેવું છે કે પહેલા ચરણમાં વેક્સીનનો સારો પ્રભાવ જોવા મળ્યો છે. એટલું જ નહીં તેની કોઈ સાઈડ ઈફેક્ટ પણ જોવા મળી રહી નથી. ટ્રાયલના અન્ય ફેઝમાં 105 લોકો પર પરીક્ષણ કરાશે. યૂએઈમાં કોરોનાની ઈનએક્ટિવેટેડ વેક્સીનનું ફેઝ 3 શરૂ થયું છે. ચીની કંપનીનો દાવો છે કે 28 દિવસમાં 2 વાર વેક્સીનના ડોઝ આપવાથી 100 લોકોમાં એન્ટીબોડીઝ વિકસિત થયા છે.