અમેરિકામાં સતત સંખ્યાં વધારો થઈ રહ્યો છે. 24 કલાકમાં 1911 મોત થાય છે. જ્યારે 32762 લોકો કોરોનાગ્રસ્ત હોવાનું સામે આવ્યું છે. સૌથી વધારે ન્યૂયોર્કમાં કેસ નોંધાયા છે. તેમજ સૌથી વધારે મોત પણ અહીં જ થયા છે. અહીં 24 કલાકમાં 731 લોકોના મોત નિપજ્યા છે. અમેરિકાન રોજ બરોજ બગડી રહેલી સ્થિતિથી ડોનાલ્ડ ટ્રમ્પ પણ બેબાકળા થઈ ગયા છે. તેમણે પહેલા ભારતને દવા માટે ધમકી આપી. આજે તેઓએ WHOને આડે હાથ લીધુ છે.
અમેરિકામાં 400,412 કેસ 12854 ના મોત
ન્યૂયોર્કમાં 29 એપ્રિલ સુધી લોડડાઉન વધાર્યુ, ન્યૂયોર્ક એપી સેન્ટર
ટ્રમ્પે વિશ્વ સ્વાસ્થ્ય સંસ્થાને આડે હાથ લીધુ
કોરોનાને લઈને અમેરિકની સ્થિતિ ખૂબ ખરાબ છે. ટ્રમ્પ વારંવાર આ પ્રકારના નિવેદનો આપી સમીક્ષાના પાત્ર બની રહ્યા છે. અમેરિકામાં 24 કલાકમાં 2 હજારના મોત તથા 32762 નવા કેસ નોંધાયા છે. આજદીન સુધીમાં અહીં કુલ કેસ 400,412 છે જ્યારે કે મોતનો આંક 12854 થઈ ગયો છે. જ્યારે 21,674 લોકો સાજા થઈ ગયા છે. જ્યારે એક્ટિવ કેસ 365,884 છે.
મોતના આંકડા અંદાજ કરતા ઓછા છે ટ્રમ્પ
નવા મોતના આંકડા પર ડોનાલ્ડ ટ્રમ્પે કહ્યું કે મોતના નવા ડેટા અંદાજ કરતા ઓછા છે. તેમણે કહ્યું હતું કે અમે મૂળ રુપે અમારા વિચારોની સરખામણીએ બહુ ઓછા મોતના આંકડા જોઈ રહ્યા છીએ. મને લાગે છે કે અમે એ દિશામાં વધી રહ્યા છીએ. પરંતુ આ અંગે વાત કરી ઉતાવળ ગણાશે.
અત્યાર સુધીમાં 5489 લોકોના મોત નિપજ્યા છે.
અમેરિકાના ન્યૂયોર્ક રાજ્યમાં ગત 24 કલાકમાં કોરોના વાયરસને કારણે 731 લોકોના મોત નિપજ્યા છે. અક દિવસમાં જીવ ગુમાવનારાનો આ સૌથી મોટો આંકડો છે. ન્યૂયોર્ક ગવર્નર એન્ડ્ર્યૂ ક્યોમોએ મંગળવારે આ માહિતી આપી હતી. તેમણે કહ્યું કે હોસ્પિટલમાં લોશોનો ઢગલો પડ્યો છે. કોરોના વાયરસને કારણે શરુ થયેલા આ કહેરથી ન્યૂયોર્ક રાજ્યમાં અત્યાર સુધીમાં 5489 લોકોના મોત નિપજ્યા છે.
વિશ્વમાં સૌથી વધારે મોત ઈટલી અને સ્પેનમાં
મહાસત્તા આજે આર્થિક ભીંસ માં છે. જોન્સ હોપ્કિન્સ યુનિવર્સિટીના આંકડા મુજબ દુનિયામાં સૌથી વધારે સંક્રમણ અમેરિકામાં જોવા મળ્યું છે. જે 12 ટકાના દરથી રોજ વધે છે. અમેરિકામાં રોજ 1 હજારથી વધારે મોત દાખલ થાય છે. ઉલ્લેખનીય છે કે વિશ્વમાં સૌથી વધારે મોત ઈટલી અને સ્પેનમાં છે.
17 લાખથી વધારે લોકોનો ટેસ્ટ કરવામાં આવ્યો
ન્યૂયોર્ક, ન્યૂજર્સી અને લુઈસિયાના ગવર્નરોએ ચેતવ્યા છે કે કોરોના વાયરસનો ફેલાવો ચરમસીમા પર પહોંચ્યો છે. આપણે આત્મસંતોષની જરુર નથી. આ 3 કેન્દ્રમાં કોરોના મોટા પાયે ફેલાયો છે. ન્યૂયોર્કમાં 29 એપ્રિલ સુધી લોકડાઉન વધારી દેવાયું છે. સોશિયલ ડિસ્ટન્સિંગનું પાલન ન કરનારા માટે દંડની રકમ 500થી વધારી 1000 અમેરિકન ડોલર કરી દેવામાં આવી છે. ઉલ્લેખનીય છે કે 17 લાખથી વધારે લોકોનો ટેસ્ટ કરવામાં આવ્યો છે. ટ્રમ્પે આ મુદ્દો કહ્યું હતું કે વિશ્વમાં બીજા કોઈ પણ દેશે આટલા મોટા પાયે પરિક્ષણ નથી કર્યુ.
વિશ્વ સ્વાસ્થ્ય સંગઠન (WHO)ને આડે હાથ લીધું
અમેરિકાના રાષ્ટ્રપતિ ડોનાલ્ડ ટ્રમ્પે કોરોના વાયરસને પહોંચી વળવા માટે વિશ્વ સ્વાસ્થ્ય સંગઠન (WHO)ને આડે હાથ લીધું છે. તેમણે કહ્યું કે ‘અમે ફંડીંગ રોકવા પર વિચાર કરશું. ’ ટ્રમ્પના જણાવ્યાનુસાર WHO‘ચીન તરફ બહું પક્ષપાતી જણાઈ રહ્યું છે. જે યોગ્ય નથી.’