કોરોના મહામારીની વચ્ચે અમેરિકામાં થનારી રાષ્ટ્રપતિ ચૂંટણીમાં થનારા પ્રચારમાં શુક્રવારે એક પ્રેસિડેન્શિયલ ડિબેટ યોજાઈ હતી. તેમાં અમેરિકી રાષ્ટ્રપતિ ડોનાલ્ડ ટ્રમ્પે ડેમોક્રેટ્રિક ઉમેદવાર બિડેનને વોટર્સને લલચાવવાની શક્ય કોશિશ કરી. અહીં તેઓએ કહ્યું કે આપણી પાસે કોરોના વાયરસની વેક્સીન આવનારી છે. આ સાથે જ તેઓએ ભારતની હવાને ગંદી કહીને તેને પણ ચૂંટણીનો મુદ્દો બનાવ્યો છે.
ડોનાલ્ડ ટ્રમ્પે ફરી ભારતની કરી ટીકા
અમેરિકાની ચૂંટણી પહેલા છેલ્લી પ્રેસિડેન્શિયલ ડિબેટમાં કરી ટીકા
ભારત, ચીન અને રશિયાની હવા તદ્દન ખરાબ: ટ્રમ્પ
ટ્રમ્પે કહ્યું કે જળવાયુ પરિવર્તનની લડાઈમાં ભારત, રશિયા અને ચીનનો રેકોર્ડ ખૂબ ખરાબ રહ્યો છે. ટ્રમ્પે કહ્યું કે, ચીન, રશિયા અને ભારતમાં વાયુ પ્રદૂષણ કેટલું ગંભીર છે. આ દરમિયાન ટ્રમ્પે દાવો કર્યો કે અમેરિકામાં સૌથી ઓછા કાર્બનનું ઉત્સર્જન છે. ડિબેટમાં ટ્રમ્પ અને બાઇડનની વચ્ચે ઉત્તર કોરિયાને લઈ ઉગ્ર ચર્ચા જોવા મળી. ટ્રમ્પે કહ્યું કે આપણે ઉત્તર કોરિયાની સાથે યુદ્ધ જેવી સ્થિતિમાં નથી. આપણા તેમની સાથે સારા સંબંધ છે. તેની પર બાઇડને વળતો જવાબ પણ આપ્યો છે. તેઓએ કહ્યું કે હિટલરના યૂરોપ પર હુમલો કરતાં પહેલા પણ આપણી સાથે સારા સંબંધ હતા.
Look at China. How filthy it is. Look at Russia. Look at India, it’s filthy. The air is filthy: US President Donald Trump on climate change during the Presidential debate. pic.twitter.com/exofiE31oE
ડિબેટ દરમિયાન ટ્રમ્પે દાવો કર્યો કે અમેરિકાની પાસે ટૂંક સમયમાં કોરોના વેક્સીન ઉપલબ્ધ હશે. જ્યારે બાઇડને કહ્યું કે ડોનાલ્ડ ટ્રમ્પની પાસે કોવિડ-19 સામે લડવા માટે કોઈ પ્લાન નથી. બાઇડને કહ્યું કે કોવિડ-19થી થયેલા મોત માટે જવાબદાર વ્યક્તિને રાષ્ટ્રપ્રમુખ ન રાખવા જોઈએ. તેઓએ કહ્યું કે તેઓ એ સુનિશ્ચિત કરશે કે દરેક વ્યક્તિ માસ્ક પહેરે અને રેપિડ ટેસ્ટિંગ કરવામાં આવે.
કોરોના વાયરસને ગણાવી ચીનની ભૂલ
ડોનાલ્ડ ટ્રમ્પે કહ્યું કે ન્યૂયોર્ક ભૂતિયા શહેરમાં બદલાઈ ગયું છે. ટ્રમ્પે કહ્યું કે દેશને બંધ ન કરતાં તો દેશના લોકો આત્મહત્યા કરવાનું શરૂ કરી દેતા. કોરોના વાયરસથી અમેરિકામાં થયેલા મોત પર ડોનાલ્ડ ટ્રમ્પે કહ્યું કે આ મારી ભૂલ નથી, આ બાઇડનની પણ ભૂલ નથી પરંતુ કોરોના મહામારી એ ચીનની ભૂલ છે જે અમેરિકામાં આવી.
6 મુદ્દા પર ચર્ચાઓ અને 200 લોકોની એન્ટ્રી
ઉલ્લેખનીય છે કે આ ડિબેટમાં ટ્રમ્પ,બાઈડન અને વેલ્ફર સિવાય ફક્ત 200 લોકોને પરમિશન હતી. 6 મુદ્દા પર કરાનારા સવાલના જવાબમાં 2-2 મિનિટમામં કેન્ડિડેસ પોતાના જવાબ આપી રહ્યા હતા.