રશિયા અને યુક્રેનની વચ્ચે છંછેડાયેલા જંગ દરરોજ વધુને વધુ આક્રમક બનતું જઈ રહ્યું છે. ત્યારે આવા સમયે અમેરિકી રાષ્ટ્રપતિએ સૌથી મોટું નિવેદન આપ્યું છે.
યુક્રેન પર વધી રહ્યું છે રશિયાનું આક્રમણ
અમેરિકી રાષ્ટ્રપતિએ આપ્યા બે વિકલ્પ
વિશ્વભરના દેશોમાં ચિંતાની લહેર છવાઈ
રશિયા અને યુક્રેનની વચ્ચે છંછેડાયેલા જંગ દરરોજ વધુને વધુ આક્રમક બનતું જઈ રહ્યું છે. યુક્રેને આત્મસમર્પણની ના પાડ્યા બાદ પુતિને પોતાની સેનાને હુમલા વધારે આક્રમક બનાવાના આદેશ આપ્યા છે. ત્યાર બાદ રશિયા સેના યુક્રેન પર ચારેતરફથી તૂટી પડી છે. યુક્રેનના બીજા નંબરના સૌથી મોટા શહેર ખારકીવમાં ગેસ પાઈપલાઈનને પણ ઉડાવી દેવામાં આવી છે. એક તેલ ડેપો પર બેલિસ્ટિક મિસાઈલથી હુમલો કર્યો હતો. આ તમામની વચ્ચે અમેરિકાનું મોટું નિવેદન આવ્યું છે.
જો બાઈડને કહી દીધી આ મોટી વાત
અમેરિકી રાષ્ટ્રપતિ જો બાઈડને એક ઈન્ટરવ્યૂમાં કહ્યુ હતું કે, રશિયાને રોકવાના બે જ વિકલ્પો છે. પહેલું એ કે, રશિયા સામે સામી છાતીએ યુદ્ધ લડવામાં આવે અને ત્રીજા વિશ્વ યુદ્ધની શરૂઆત કરવામાં આવે. અથવા તો બીજો વિકલ્પ એ છે કે, એ નક્કી કરવામાં આવે કે, જે પણ દેશ આંતરરાષ્ટ્રીય કાયદાનું ઉલ્લંઘન કરશે, તેને તેની કિંમત ચુકવવી પડશે. તેમણે કહ્યું કે, પ્રતિબંધોનો એક વિકલ્પ ત્રીજૂ વિશ્વ યુદ્ધ જ હશે. જે પણ પ્રતિબંધો લગાવામાં આવ્યા છે, તેની વ્યાપક અસર થશે.
સ્વિફ્ટ સિસ્ટમ પર પ્રતિબંધ પર સહમતી બની
રશિયા પર કેટલાય પ્રકારના પ્રતિબંધો લગાવામાં આવ્યા છે. તેમાં કેટલાય આર્થિક તથા વ્યવસાયિક પ્રતિબંધો સામેલ છે. અમેરિકી રાષ્ટ્રપતિએ કહ્યું કે, આ પ્રતિબંધોની વ્યાપક અસર થશે. આ તમામની વચ્ચે અમેરિકા, યુરોપિય સંઘ અને બ્રિટેને રશિયાની સેન્ટ્રલ બેંકને પણ પ્રતિબંધિત કરી દીધી છે. તો વળી અમેરિકા તથા તેના સભ્ય દ્વારા રશિયાને સ્વિફ્ટ સિસ્ટમમાં પણ બૈન કરવા પર સહમતી બની ગઈ છે. જો આવું થશે તો રશિયા આંતરરાષ્ટ્રીય લેવડદેવડથી સમગ્ર પણે કપાઈ જશે અને તેની વ્યાપક અસર જોવા મળશે. જો કે, તેની પ્રતિક્રિયામાં રશિયા ક્રૂડ ઓયલની સપ્લાઈ રોકી શકે છે. જેના ભયંકર પરિણામ યુરોપમાં ભારે ઊર્જા સંકટ તરીકે પણ જોઈ શકાય.
જર્મીનએ બંધ કર્યા એરસ્પેસ
યુક્રેનની મદદ માટે જર્મની પણ આગળ આવ્યો છે. તેમણે યુક્રેનને કેટલાય હથિયારો, ટેંક અને રોકેટ આપ્યા છે. આ ઉપરાંત જર્મનીએ રશિયાને પોતાના એરસ્પેસ વાપરવાથી પણ પ્રતિબંધ લગાવી દીધો છે.