અમેરિકાના પૂર્વ રાષ્ટ્રપતિ ડોનાલ્ડ ટ્રમ્પના ફ્લોરિડા સ્થિત ઘર પર તપાસ એજન્સી એફબીઆઈએ પાડેલા દરોડામાં મોટો ખુલાસો થયો છે.
અમેરિકાના પૂર્વ રાષ્ટ્રપતિ ડોનાલ્ડ ટ્રમ્પના ઘરે FBIના દરોડા પડ્યા
FBIના ટ્રમ્પના ઘરેથી મળી સીક્રેટ વસ્તુઓ અને દસ્તાવેજો
આ બે કેસમાં એફબીઆઈ કરી રહી છે તપાસ
અમેરિકાના પૂર્વ રાષ્ટ્રપતિ ડોનાલ્ડ ટ્રમ્પના ફ્લોરિડા સ્થિત ઘર પર તપાસ એજન્સી એફબીઆઈએ પાડેલા દરોડામાં મોટો ખુલાસો થયો છે. એફબીઆઈએ ટ્રમ્પના નિવાસસ્થાનેથી ટોપ સીક્રેટ/સેન્સેટિવ ઈંફોર્મેશન મળી છે. આ દરમિયાન એજન્સીને અલગ અલગ 11 સેટ મળ્યા છે, જેને જપ્ત કરવામાં આવ્યા છે.
એક રિપોર્ટમાં જણાવ્યા અનુસાર એફબીઆઈને ટ્રમ્પ નિવાસસ્થાનેથી ફ્રાંસના રાષ્ટ્રપતિના ફોટા સહિત અન્ય જાણકારી મળી છે. એફબીઆઈ એજન્ટોએ ટ્રમ્પના આવાસમાંથી 20 થી વધારે બોક્સ મળ્યા છે. સાથે જ સરકારી સામગ્રીનો સેટ અને એક હાથે લખેલી નોટ પણ મળી છે. તપાસ એજન્સીએ આ દરમિયાન ટોપ સીક્રેટ/એસસીઆઈ દસ્તાવેજોનો એક સેટ જપ્ત કર્યો છે, જ્યારે ટોપ સીક્રેટ ચાર સેટ, ગુપ્ત દસ્તાવેજોના ત્રણ સેટ અને ગોપનીય દસ્તાવેજના ત્રણ સેટ જપ્ત કર્યા છે.
કહેવાય છે કે, એફબીઆઈની આ રેડ રાષ્ટ્રપતિના સત્તાવાર દસ્તાવેજો શોધવા માટે થઈ હતી. જેને ટ્રમ્પે વ્હાઈટ હાઉસ છોડ્યા બાદ ફ્લોરિડા લઈ ગયા હતા. ન્યાય વિભઆગ ટ્રમ્પ વિરુદ્ધ બે કેસમાં તપાસ કરી રહી છએ. પ્રથમ કેસ 2020ની રાષ્ટ્રપતિ ચૂંટણીના પરિણામમાં ફેરફાર કરવાના પ્રયાસ મામલે અને બીજા દસ્તાવેજોની જાળવણી સંબંધમાં, એપ્રિલ-મેમાં આ મામલે તપાસ એજન્સીએ ફ્લોરિડામાં ટ્રમ્પની નજીકના લોકો સાથે પૂછપરછ કરી હતી.
ટ્રમ્પ પર કેવા લાગ્યા છે આરોપ
એફબીઆઈના જણાવ્યા અનુસાર, એજન્સી પ્રેસિડેંશિયલ રેકોર્ડ એક્ટ અને વર્ગીકૃત સામગ્રીની જાળવણી સંબંધી કાયદાનું સંભવિત ઉલ્લંઘન મામલે તપાસ કરી રહી છે. નેશનલ આર્ચીજ એન્ડ રેકોર્ડ એડમિનિસ્ટ્રેશને 2022માં વ્હાઈટ હાઉસના રેકોર્ડના 15 બોક્સ જપ્ત કર્યા હતા. આ બોક્સ માર એ લોગો મોકલવામાં આવ્યા હતા. તે સમયે નારાએ કહ્યું હતું કે, નિયમો મુજબ ટ્રમ્પના વ્હાઈટ હાઉસ છોડવા પર દસ્તાવેજો ભરેલો બોક્સ નેશનલ આર્ચીજ મોકલવામાં આવ્યા હતા.