અમેરિકાના રાષ્ટ્રપતિ ડોનાલ્ડ ટ્રંપ પર મહાભિયોગ ચલાવવા માટે બુધવારે સ્થાનીય સમયાનુસાર એતિહાસિક અને બહુમતથી મતદાન થયું. તેમાં મોટાભાગના સાંસદોએ ટ્રંપની વિરુદ્ધમાં મહાભિયોગ ચલાવવા માટે પક્ષમાં મતદાન કર્યું હતું. મોટાભાગના સાંસદોએ બંને આર્ટિકલ પર એટલે કે સત્તાના દૂરઉપયોગ અને કોંગ્રેસના કામમાં ખલેલ પહોંચાડવાને લઈને મહાભિયોગ ચલાવવાના પક્ષમાં મતદાન કર્યું.
અમેરિકાના રાષ્ટ્રપતિ ટ્રંપની મુશ્કેલી વધી
અમેરિકામાં ટ્રંપ સામે મહાભિયોગ પ્રસ્તાવ પાસ
યૂએસ હાઉસમાં 197 સામે 229 મતથી પ્રસ્તાવ પાસ થયો
મહાભિયોગ પ્રસ્તાવ પાસ થયા બાદ વ્હાઈટ હાઉસે આપ્યું નિવેદન
મહાભિયોગ પ્રસ્તાવ પાસ થયા બાદ વ્હાઈટ હાઉસે પોતાના નિવેદનમાં કહ્યું છે કે ડોનાલ્ડ ટ્રંપને આશા છે કે સીનેટ યોગ્ય રીતે આ પ્રક્રિયાને પૂરી કરશે. નિષ્પક્ષ પ્રક્રિયાનું પાલન હાઉસ ઓફ રિપ્રેઝન્ટેટિવમાં પૂરું કરવામાં આવ્યું નથી. આગળની જે પણ પ્રક્રિયા હશે તેને માટે ડોનાલ્ડ ટ્રંપ તૈયાર છે. વ્હાઈટ હાઉસે એ પણ કહ્યું છે કે જ્યારથી ડોનાલ્ડ ટ્રંપે ઓફિસ સંભાળી છે ત્યારથી તે રોકાયા વિના અમેરિકાની પ્રજા માટે કામ કરી રહ્યા છે. તેઓ જ્યાં સુધી ઓફિસમાં રહેશે ત્યાં સુધી કામ કરતા રહેશે.
કોંગ્રેસમાં શું થયું?
ઉલ્લેખનીય છે કે હાઉસ ઓફ રિપ્રેઝન્ટેટિવમાં તો વિપક્ષી પાર્ટી ડેમોક્રેટ્સની પાસે બહુમત હતો પરંતુ સીનેટમાં એવું નથી. હાઉસ ઓફ રિપ્રેઝન્ટેટિવમાં જે બે પ્રસ્તાવ ડોનાલ્ડ ટ્રંપની વિરુદ્ધણાં લાવવામાં આવ્યા છે તેમાં 230-197, 223-198 વોટ મળ્યા છે. આ પ્રસ્તાવ ઓફિસનો ખોટો ઉપયોગ કરવા માટે અને કામકાજમાં કોંગ્રેસને અવગણવાને માટે કરવામા આવ્યો છે.
સીનેટમાં શું થશે?
હાઉસ ઓફ રિપ્રેઝન્ટેટિવમાં પ્રસ્તાવ પાસ થયા બાદ હવે તે સીનેટમાં જશે. અહીં ડોનાલ્ડ ટ્રંપ પર લગાવવામાં આવેલા દરેક આરોપને એક વાર ટ્રાયલ કરવામાં આવશે. ત્યારબાદ સીનેટમાં આ પ્રસ્તાવ પર મતદાન થશે. જો વોટિંગમાં પ્રસ્તાવ ઓછા આવશે તો ડોનાલ્ડ ટ્રંપ અમેરિકાના રાષ્ટ્રપતિ પદ પર કાયમ રહેશે. પરંતુ જો તે પાસ થશે તો તેઓએ રાજીનામું આપવું પડશે અને વાઈસ પ્રેસિડેન્ટને ટેક ઓવર કરી લેવામાં આવશે.
આવી છે અમેરિકાની સીનેટ, ફેબ્રુઆરી પહેલાં પૂર્ણ થશે કાર્યવાહી
અમેરિકાની સીનેટમાં કુલ 100 સભ્યો છે તેમાંથી 53 સભ્યો રિપબ્લિકન પાર્ટી, 45 ડેમોક્રેટ્સ અને 2 સભ્યો નિર્દલીય છે. સીનેટમાં ટ્રાયલની પ્રક્રિયા 6 જાન્યુઆરી બાદ શરૂ થશે. અનેક અઠવાડિયા સુધી આ કાર્યવાહી ચાલુ રહેશે. ડેમોક્રેટ્સને આશા છે કે ફેબ્રુઆરી પહેલાં આ કાર્યવાહી પૂર્ણ થશે. કારણકે ફેબ્રુઆરીમાં પ્રાઈમરી ઈલેક્શન્સ શરૂ થઈ રહ્યા છે.
ડોનાલ્ડ ટ્રંપ અમેરિકાના ત્રીજા રાષ્ટ્રપતિ છે જેની વિરુદ્ધમાં મહાભિયોગ પ્રસ્તાવ પાસ કરાયો છે. પહેલાં એડ્રયૂ જોનસન, અન્ય બિલ ક્લિંટન હતા.બંને રાષ્ટ્રપતિઓની વિરુદ્ધમાં પ્રસ્તાવ સીનેટમાંથી પાસ થઈ શક્યો નહતો.
ઉલ્લેખનીય છે કે આ પહેલાં ટ્રંપે પ્રતિનિધિ સભાના સ્પીકર નૈંસી પેલોસીએ એક પત્ર લખીને તેની વિરુદ્ધમાં મહાભિયોગની પ્રક્રિયા રોકવા કહ્યું હતું. ટ્રંપે પેલોસીને લખેલા એક પત્રમાં કહ્યું કે મહાભિયોગ ડેમોક્રેટ સાંસદોને શક્તિના અપ્રત્યાશિત અને અસંવૈધાનિક દુરઉપયોગને દેખાડે છે. અમેરિકાના ઇતિહાસમાં લગભગ અઢી શતાબ્દીમાં ક્યારેય આવું થયું નથી.
Majority in House has voted for second impeachment charge against US President Donald Trump for obstruction of Congress. Voting is still underway: AP pic.twitter.com/vE9BRD8T9Q
ટ્રંપ પર ઉચ્ચ અપરાધો અને દુષ્કર્મના આરોપો સિવાય પોતાના પદનો દૂરઉપયોગ કરીને યૂક્રેનના 2 રાષ્ટ્રપતિને 2 ડેમોક્રેટ નેતાઓની વિરુદ્ધમાં તપાસના આરોપ પણ છે. જો કે ટ્રંપે પોતાના પર લાગેલા આરોપને નકારી કાઢ્યા છે અને આવું એટલા માટે કરવામાં આવી રહ્યું છે કે 2020માં થનારી ચૂંટણીમાં તેમને સત્તાની બહાર કરવામાં આવી શકે.
ટ્રંપને સત્તાથી બેદખલ કરવા માટે 2/3 બહુમત જોઈશે
મતદાન બાદ એ નક્કી થશે કે ટ્રંપ પર લાગેલા આરોપોને સ્વીકારવામાં આવે કે નહીં, અને સાથે રિપબ્લિકનના નેતૃત્વવાળી સીનેટમાં ટ્રંપને પદથી હટાવવાના કેસમાં મોકલવામાં આવે કે નહીં. આવું એટલા માટે કરવામાં આવી રહ્યું છે જેથી 100 સભ્યોની સીનેટમાં ટ્રંપની પાર્ટીની પાસે 53 સાંસદ છે જ્યારે ટ્રંપને સત્તાથી બેદખલ કરવા માટે 2/3 બહુમત જોઈશે.