લલકાર / અમેરિકાનો ફરી કડક સંદેશ, કહ્યું હવે સમય આવી ગયો છે કે ચીનને...

• લોકશાહી અને સ્વતંત્રતા ઈચ્છનારાએ ચીનને જવાબ આપવો જોઈએ
• ચીની કમ્યુનિસ્ટ પાર્ટી પર નિશાન સાધ્યું
•  અમેરિકામાં આ ચીની લોકોના પ્રવેશ પર પ્રતિબંધ પર ટિપ્પણી કરવાનું ટાળ્યું

લોકશાહી અને સ્વતંત્રતા ઈચ્છનારાએ ચીનને જવાબ આપવો જોઈએ

વધુમાં તેમણે કહ્યું હતું કે, અમેરિકાએ ઘણા લાંબા સમય સુધી આ બાબતને ધ્યાનમાં લીધી નથી. મને લાગે છે કે  તે તમામ લોકોએ આમ જ કર્યુ હશે. પણ હવે બધાએ એક થઈ સંયુક્ત નિર્ણય લેવો પડશે.  તેને જવાબ આપવાનો સમય આવી ગયો છે.  વિદેશ પ્રધાને કહ્યું કે વિશ્વમાં લોકશાહી અને સ્વતંત્રતા ઈચ્છનારા લોકો માચે એ જરુરી છે કે  તે ચીનની કમ્યુનિસ્ટ પાર્ટી દ્વારા મુકવામાં આવતા પડકારોનો જવાબ આપે.  તેમણે કહ્યું કે છેલ્લા 40 વર્ષથી અમેરિકાન વહીવટીતંત્ર સતત  બીજી બાજુ જોતુ રહ્યુ અને ચીન તેનો ફાયદો ઉઠાવતું રહ્યું છે.  જો કે હવે રાષ્ટ્રપતિ ડોનાલ્ડ ટ્રમ્પે કહી દીધું છે કે બસ 'હવે નહીં'.  વિદેશ પ્રધાને કહ્યું કે અમેરિકા નિષ્પક્ષ અને પરસ્પર વ્યાપારિક સંબંધો બનાવશે તેમજ  ચીનની કમ્યુનિસ્ટ પાર્ટી પાસે પણ અમેરિકનોની સાથે તે જ રીતે વર્તવાની માંગણી કરશે જે રીતે અમેરિકા ત્યાં જતા લોકો સાથે કરે છે.

ચીની કમ્યુનિસ્ટ પાર્ટી પર નિશાન સાધ્યું

ઈન્ટરવ્યૂ દરમિયાન પોમ્પિયોએ હોંગકોંગના એ વાયરસ નિષ્ણાંત ડૉ. યાન લી-મેંગ દ્વારા કરવામાં આવેલા દાવા વિશે પૂછવામાં આવ્યું જેમાં તેણે કહ્યું હતુ કે બેજિંગમાં વાયરસ એક વ્યક્તિથી બીજામાં ફેલાય તે અંગેની જાણકારી લોકોને આપવામાં આલી તેના 3 અઠવાડિયા પહેલા તેને ખબર હચી. આનો જવાબ આપતા પોમ્પિયોએ કહ્યું કે વિશ્વ આરોગ્ય સંગઠને પણ એવું જ કર્યું હતુ અને આ સમસ્યાને પહોંચી વળવાની માહિતી તેમની પાસે હોવી જોઈતી હતી પણ તેમણે આપી નહોતી. તેઓ ચીની કમ્યુનિસ્ટ પાર્ટીના સભ્યો અને તેમના પરિવારના લોકોના અમેરિકામાં પ્રવેશ પર પ્રતિબંધને લઈને કોઈ પણ ટિપ્પણી કરવાનું ટાળ્યું હતુ.