અમેરિકામાં 24 કલાકમાં કોરોનાને લીધે 1953 લોકોના મોત થયા છે. તો 28673 લોકો કોરોનાગ્રસ્ત થયા છે. હાલ કુલ મોત 42,518 છે તો કેસની સંખ્યા 792,938 થઈ છે. જ્યારે સાજા થનારની સંખ્યા 72,389 એ પહોંચી જેની સાથે એક્ટિવ કેસની સંખ્યા 678,031 થઈ છે. ટ્રમ્પના નિર્ણયો પર વિપક્ષ સતત પ્રહારો કરી તેઓ જુઠાણું ફેલાવી રહ્યાના આક્ષેપ કરી રહ્યું છે.
ભારતીય- અમેરિકન સુદર્શનમ બાબુને અમેરિકાના મુખ્ય વિજ્ઞાન બોર્ડમાં નિયુક્ત
ડેમોક્રેટિક પાર્ટીના ટ્રમ્પ પર સતત આરોપ
ચીને અમેરિકાના તપાસની માંગ ફગાવતા કહ્યું કે પીડિત છીએ આરોપી નહીં
ટ્રમ્પે ભારતીય- અમેરિકન સુદર્શનમ બાબુને અમેરિકાના મુખ્ય વિજ્ઞાન બોર્ડમાં નિયુક્ત કર્યા
રાષ્ટ્રપતિ ટ્રમ્પે ભારતીય- અમેરિકન સુદર્શનમ બાબુને અમેરિકાના મુખ્ય વિજ્ઞાન બોર્ડમાં નિયુક્ત કર્યા છે. વ્હાઈટ હાઉસે સોમવારે રહ્યું કે બાબુ જે પ્રતિષ્ઠિત ઓક રિજ નેશનલ લેબોરેટરી(ઓઆરએનએલ)થી છે. તે 6વર્ષના કાર્યકાળ માટે સભ્ય તરીકે નિયુક્ત કરવામાં આવે છે. તેઓએ 1988માં આઈઆઈટી મદ્રાસથી ઔદ્યોહિક ધાતુ વિજ્ઞાન- વેલ્ડિંગમાં માસ્ટર ડિગ્રી મેળવી છે. તેમજ કેમ્બ્રિજ યુનિમાંથી પીએચડી કરી છે. હાલમાં તેઓ ઈન્ટર ડિસિપ્લિનરી રિસર્ચ એન્ડ ગ્રેજ્યુએટ એજ્યુકેશન માટે બ્રેડસેન સેન્ટરના નિર્દેશક છે. સાથે ઓઆરએનએલ ગવર્નરના ઉન્નત વિનિર્માણના અધ્યક્ષ પણ છે. બાબુ આ બોર્ડમાં ત્રીજા ભારતીય અમેરિકન સભ્ય હશે. અન્ય બેમાં એરિજોના સ્ટેટ યુનિ.ના સેથુરમન પંચનાથન અને યુનિ. ઓફ વર્મોટના સુરેશ વી ગરિમેલા છે.
ડેમોક્રેટિક પાર્ટીના ટ્રમ્પ પર સતત આરોપ
વિપક્ષી પાર્ટીએ કહ્યું કે ટ્રમ્પે કહ્યું કે આ વાયરસને લઈને બેદરકારી દાખવી છે. તેણે ચીના પ્રવાસ પર પ્રતિબંધ લાદી ઝડપી કામગીરી કરવાનો ખોટો દાવો કર્યો છે. ટ્રમ્પે ત્યારે પગલે ભર્યા જ્યારે બહું મોડુ થઈ ગયુ હતુ. તેઓ આખો ફેબ્રુઆરી વાયરસને હળવાસમાં લેતા રહ્યા.
અમેરિકનોને બેરોજગાર થતા અટકાવવા લેવાયો આ નિર્ણય
ટ્ર્રમ્પે કહ્યું કે તે કોરોના વાયરસની મહામારીને કારણે અમેરિકામાં ઈમિગ્રેશનને અસ્થાયી રુપે બંધ કરવાના વિશેષ આદેશ પર હસ્તાક્ષર કરશે. જેથી અમેરિકનોની નોકરી બચાવી શકાય. મ્પે સોમવારે રાતે ટ્વીટ કરી કહ્યું હતું કે, ‘અદ્રશ્ય દુશ્મનના હુમલાને ધ્યાનમાં રાખીને તેમજ અમેરિકન નાગરિકોની નોકરીઓને બચાવવા માટે હું સંયુક્ત રાષ્ટ્રમાં અસ્થાયી રુપે ઈમિગ્રેશનને રદ્દ કરવા માટે કાર્યકારી આદેશ પર હસ્તાક્ષર કરીશ’ ટ્રમ્પે ઈમિગ્રેશન વિઝાને રદ્દ કરવાની વાત કરી છે. ઉલ્લેખનીય છે કે ભારતીય આઈટી પ્રોફેશનલ્સની વચ્ચે લોકપ્રિય એચ1 બી વિઝા એક બિન-ઇમિગ્રન્ટ્સ વિઝા છે. જોકે ટ્રમ્પે એવો તર્ક આપ્યો છે કે અમેરિકન નાગરિકોની રક્ષા કરવી જરુરી છે. એવામાં બિન-ઇમિગ્રન્ટ્સ વિઝા પણ તેમના નિશાના પર આવી શકે છે. ગત અઠવાડિયા 2.2 કરોડ અમેરિકનોએ બેરોજગારી ભથ્થા માટે અરજી કરી હતી.
ચીને અમેરિકાના તપાસની માંગ ફગાવતા કહ્યું કે પીડિત છીએ આરોપી નહીં
અમેરિકાન રાષ્ટ્રપતિ ડોનાલ્ડ ટ્રમ્પે ચીન સાથેના વલણમાં કોઈ ફેરફાર નથી આવ્યો . ટ્રમ્પે હવે કહ્યું છે કે તે કોરોનાની જાણકારી માટે વિશેષજ્ઞોની ટીમ ચીન મોકલવા ઈચ્છે છે. વ્હાઈટ હાઉસમાં પત્રકાર પરિષદ દરમિયાન તેમણે કોરોનાને પ્લેગ જેવો ગણાવતા કહ્યું હતું કે તે ચીનથી ખુશ નથી. કેમ કે તેણે કોઈ જાણકારી આપતા અચકાઈ રહ્યુ છે. ચીને ટ્રમ્પની માંગણી ફગાવી દીધી છે. ચીને સોમવારે ટ્રમ્પની માંગણીને ફરાવી દીધી હતી. જેમાં તેઓ વિશેષજ્ઞોની ટીમ તપાસ માટે ચીનના વુહાન મોકલવા માંગતા હતા. ચીની વિદેશ મંત્રાલયના પ્રવક્તા ગેંગ શુઆંગે કહ્યું કે ચીન આરોપી નથી બલ્કી વાયરસથી પીડિત છે. અહીં વાયરસ ગમે ત્યાં મળી શકે છે. 2009માં અમેરિકામાં એચ1એન1 ઈંફ્લૂએન્ઝાની પહેલા ખબર પડી હતી? શું કોઈએ અમેરિકા પાસે જવાબ માંગ્યો હતો?
વ્હાઈટ હાઉસના વ્યાપાર અને વિનિર્માણના ડિરેક્ટર પીટર નવારોએ સોમવારે આરોપ લગાવ્યો કે ભારત અને બ્રાઝિલ સહિત અનેક દેશોમાં પુરતા પ્રમાણમાં પીપીઈ કિટ નથી. કેમ કે બેઈજિંગ તેને ભેગી કરી રહ્યુ હતું. તેમણે કહ્યું હતું કે મારી પાસે સીધા ચીનના સીમા શુલ્ક સંઘના સાક્ષી છે જે બતાવે છે કે જાન્યુઆરી અને ફેબ્રુઆરીમાં તેમણે 18 ગણા વધારે માસ્ક ખરીદ્યા અને તેમની પાસે 2 અરબથી વધારે માસ્ક છે . તેણે ચશ્મા દસ્તાનાના ખર્ચને વધારી દીધો છે. હવે તે મોંધી કિંમતે વેચી રહ્યું છે.